قومی

Andhra Pradesh Bus Accident: خوفناک سڑک حادثہ، آندھرا پردیش میں بس ٹپر سے ٹکرا ئی،13 مسافر زندہ جل گئے، متعد افراد کی حالت نازک

نئی دہلی :آندھرا پردیش کے مارکاپورم ضلع میں جمعرات کی صبح ایک بھیانک سڑک حادثہ پیش آیا، جس میں کم از کم دس افراد جھلس کر ہلاک ہو گئے۔ یہ حادثہ ریورم کے نزدیک پیش آیا جب حیدرآباد سے پامور جا رہی ایک نجی ٹریول بس ٹِپر لاری سے ٹکرا گئی۔ابتدائی رپورٹ کے مطابق، ٹکر کے فوراً بعد شدید آگ بھڑک اٹھی اور چند ہی منٹوں میں بس کو اپنی لپیٹ میں لے لیا۔ بس مکمل طور پر جل کر راکھ ہو گئی، جس میں مسافر اندر پھنس گئے۔ بچاؤ ٹیم اور مقامی حکام فوری طور پر موقع پر پہنچے اور ریلیف آپریشن شروع کیا۔ کئی زخمیوں کو قریبی اسپتالوں میں منتقل کیا گیا جبکہ ہلاک شدگان کی شناخت کے لیے کوششیں جاری ہیں۔

ضلع پولیس سپرنٹنڈنٹ ناگ راجو نے بتایا کہ اس حادثے میں دس افراد ہلاک ہوئے ہیں۔ انہوں نے مزید کہا کہ حادثے کی درست وجوہات جاننے کے لیے تفصیلی تحقیقات شروع کر دی گئی ہیں۔ پولیس کے مطابق کئی افراد کی حالت سنگین ہے اور انہیں اسپتال میں داخل کیا گیا ہے۔ ہلاک شدگان کی تعداد بڑھ بھی سکتی ہے۔ اطلاعات کے مطابق بس میں تقریباً 40 مسافر سوار تھے، اور تقریباً 20 افراد کو شدید زخموں کے ساتھ اسپتال منتقل کیا گیا ہے۔حادثے کی اطلاع ملتے ہی پولیس اور فائر بریگیڈ کے اہلکار موقع پر پہنچے اور آگ بجھانے کی کوشش کی، لیکن تب تک گاڑی مکمل طور پر جل کر راکھ ہو گئی تھی۔ بتایا جا رہا ہے کہ ہلاک شدگان میں زیادہ تر کنگیری اور پامورو علاقوں کے رہائشی تھے۔ مقامی لوگ اور پولیس موقع پر پہنچے اور زخمیوں کو ایمبولینس کے ذریعے اسپتال پہنچایا۔ پولیس نے مقدمہ درج کر کے تحقیقات شروع کر دی ہیں۔

حادثے میں دونوں گاڑیاں مکمل طور پر تباہ ہوگئیں۔ پولیس اور فائر بریگیڈ کے عملے نے جائے وقوعہ پر پہنچ کر امدادی کارروائی شروع کر دی۔ زخمیوں کو مارکاپورم کے ایک پرائیویٹ اسپتال میں داخل کرایا گیا ہے۔ مرنے والوں کی تعداد میں اضافے کا خدشہ ہے کیونکہ متعدد مسافر شدید زخمی ہیں۔ مارکاپورم کے ایم ایل اے کنڈلا نارائن ریڈی نے جائے وقوعہ کا دورہ کیا۔

بھارت ایکسپریس اردو

Abu Danish Rehman