Amit Shah On Guru Purnima: گرو پورنیما پر وزیر داخلہ امت شاہ کا پیغام، بھارتی ثقافت میں گرو کا مقام سب سے اعلی

نئی دہلی : گرو پورنیما کے مقدس موقع پر ملک بھر میں عقیدت، احترام اور روحانی جوش و خروش کے ساتھ یہ تہوار منایا جا رہا ہے۔ اس موقع پر مرکزی وزیر داخلہ و وزیرِ تعاون امت شاہ، وزیر دفاع راجناتھ سنگھ، لوک سبھا کے اسپیکر اوم برلا سمیت کئی مرکزی وزراء نے ملک کے عوام کو دلی مبارکباد اور نیک خواہشات پیش کیں۔مرکزی وزیر داخلہ امت شاہ نے اپنے پیغام میں بھارتی تہذیب اور سناتن روایت میں گرو کے بلند مقام کو اجاگر کرتے ہوئے کہا کہ ایک گرو نہ صرف علم کا سرچشمہ ہوتا ہے بلکہ وہ معاشرے اور قوم کی تعمیر میں بھی بنیادی کردار ادا کرتا ہے۔

امت شاہ نے کیا کہا؟

گرو پورنیما کے موقع پر اپنے پیغام میں امت شاہ نے کہا،”تمام ملک کے باشندوں کو گرو پورنیما کی دلی مبارکباد۔ اپنے علم کے امرت سے شاگردوں کی زندگی سنوارنے والے گرو کا مقام ہماری بھارتی ثقافت میں ہمیشہ سب سے اعلیٰ اور قابلِ احترام رہا ہے۔”انہوں نے مزید کہا کہ جو اساتذہ علم دینے کے ساتھ ساتھ نوجوان نسل میں بہترین کردار، اعلیٰ اخلاق اور قومی خدمت کا جذبہ پیدا کرتے ہیں، وہ دراصل معاشرے اور ملک کے روشن مستقبل کے معمار ہیں۔ ایسے تمام گروؤں کو وہ دل کی گہرائیوں سے سلام پیش کرتے ہیں۔

समस्त देशवासियों को ‘गुरु पूर्णिमा’ की हार्दिक शुभकामनाएँ।

अपने ज्ञान रूपी अमृत से शिष्यों के जीवन को सँवारने वाले गुरु का स्थान भारतीय संस्कृति में सर्वोच्च होता है। ज्ञान के साथ-साथ चरित्र निर्माण कर समाज व राष्ट्र के भविष्य को बेहतर बनाने वाले समस्त गुरुजनों को नमन करता हूँ। pic.twitter.com/qSu9J5Ea0e

— Amit Shah (@AmitShah) July 29, 2026

“گرو کردار سازی کے اصل معمار ہیں”

وزیر دفاع راجناتھ سنگھ نے بھی گرو پورنیما کے موقع پر اپنے پیغام میں کہا کہ بھارتی روایت میں گرو صرف تعلیم دینے والا نہیں بلکہ انسان کی شخصیت، کردار اور اقدار کی تشکیل کرنے والا حقیقی معمار ہوتا ہے۔ ان کے مطابق ایک اچھا استاد اپنے شاگرد کو صرف کتابی علم نہیں دیتا بلکہ زندگی گزارنے کا صحیح طریقہ بھی سکھاتا ہے۔اسی طرح لوک سبھا کے اسپیکر اوم برلا نے کہا کہ گرو وہ طاقت ہیں جو انسان کو صرف حروف اور الفاظ کا علم نہیں دیتے ،بلکہ اسے زندگی کے ہر مرحلے میں صحیح راستہ اختیار کرنے کی رہنمائی بھی فراہم کرتے ہیں۔

دیگر مرکزی وزراء نے بھی دی مبارکباد

گرو پورنیما کے موقع پر مرکزی وزیر نتن گڈکری، وزیر زراعت شیوراج سنگھ چوہان اور مرکزی وزیر منوہر لال نے بھی ملک کے عوام کو مبارکباد پیش کی۔ انہوں نے آدی شنکراچاریہ اور مہارشی وید ویاس کو خراجِ عقیدت پیش کرتے ہوئے کہا کہ بھارت کی عظیم گرو-شاگرد روایت آج بھی معاشرے کو علم، اخلاق اور روحانی اقدار سے روشناس کرا رہی ہے۔مرکزی لیڈروں  نے اس بات پر زور دیا کہ گروؤں کی تعلیمات کو اپنی زندگی میں اپنانا ہی اس تہوار کا اصل پیغام ہے، کیونکہ ایک باکردار اور باشعور معاشرے کی بنیاد ہمیشہ اچھے اساتذہ اور ان کی رہنمائی پر قائم ہوتی ہے۔

بھارت ایکسپریس اردو