Hanuman Ansh: نیِم کرولی بابا کی زندگی پر بنی فلم ’ہنومان انش‘ کا چرچا، امت شاہ سے ملی پوری ٹیم

فلم ’ہنومان انش‘ کی باکس آفس پر گرفت اب بھی مضبوط ہے۔ ریلیز کے 45 دن بعد بھی فلم کی کمائی میں کوئی خاص کمی نہیں دیکھی جا رہی ہے۔ فلم نے اب تک دنیا بھر میں تقریباً 347 کروڑ روپے کا کاروبار کر لیا ہے۔ ایک وقت ایسا بھی تھا جب فلم کی کامیابی سے متعلق سوالات اٹھائے جا رہے تھے، لیکن اب اس کی کمائی نے سب کی توجہ اپنی جانب مبذول کرلی ہے۔ فلم کی کامیابی کے بعد اس کی ٹیم کو مسلسل مبارک باد مل رہی ہے۔ اسی سلسلے میں 21 ستمبر کو ’ہنومان انش‘ کی ٹیم نے نئی دہلی میں مرکزی وزیر داخلہ امت شاہ سے ملاقات کی۔ امت شاہ نے فلم کی کامیابی پر پوری ٹیم کو مبارک باد دی۔ ملاقات کی تصاویر میں ہدایت کار وکاس چترویدی، شوبھینَو ستیہ، سادھو تیواری اور ٹیم کے دیگر ارکان نظر آئے۔ سبھی کے چہروں پر فلم کی کامیابی کی خوشی واضح طور پر دکھائی دی۔

سیاسی حلقوں میں بھی فلم کی چرچا

’ہنومان انش‘ کی مقبولیت اب صرف فلمی دنیا اور ناظرین تک محدود نہیں رہی، بلکہ سیاسی حلقوں میں بھی اس فلم کے سلسلے میں دلچسپی دیکھی جا رہی ہے۔ کئی ریاستوں میں فلم کو ٹیکس فری کیا گیا ہے۔اس سے قبل فلم کی ٹیم نے اتر پردیش کے وزیر اعلیٰ یوگی آدتیہ ناتھ سے بھی ملاقات کی تھی۔19 ستمبر کو ٹیم نے مہاراشٹر کے وزیر اعلیٰ دیویندر فڑنویس سے بھی ملاقات کی۔ یہ ملاقات گنیش چترتھی کی تقریبات کے دوران ہوئی۔ فڑنویس نے ہدایت کار وشال چترویدی اور پوری ٹیم کو فلم کی کامیابی پر مبارک باد دی اور ان کے آنے والے منصوبوں کے لیے نیک خواہشات کا اظہار کیا۔ اس کے علاوہ نئی دہلی میں بھارتیہ جنتا پارٹی کے قومی صدر نتن نوین سے بھی فلم کی اسٹار کاسٹ نے ملاقات کی۔ اتراکھنڈ کے وزیر اعلیٰ پشکر سنگھ دھامی نے بھی فلم دیکھی اور ریاست میں اسے ٹیکس فری قرار دیا گیا۔

نیِم کروڑی بابا کی زندگی سے جڑی کہانی

اتراکھنڈ کے لیے یہ فلم اس لیے بھی خاص سمجھی جا رہی ہے کہ ریاست میں مشہور کینچی دھام واقع ہے، جس کا تعلق نیِم کرولی بابا سے ہے اور یہ ایک اہم مذہبی مقام مانا جاتا ہے۔ ’ہنومان انش‘ میں مہاراج جی کی زندگی، ان کی محبت، خدمت اور روحانی پیغام کو ناظرین تک پہنچانے کی کوشش کی گئی ہے۔ فلم کے ذریعے نیِم کرولی بابا کی تعلیمات اور ان کے انسانیت پر مبنی پیغام کو اجاگر کیا گیا ہے۔

بھارت ایکسپریس اردو۔