Gold Prices Gain Momentum Again: سونے کی قیمتوں نے پھر پکڑ لی رفتار، قیمتیں ریکارڈ بلندیوں کی جانب، جانیے تازہ ریٹ

اگر آپ سونا یا چاندی خریدنے کا منصوبہ بنا رہے ہیں تو آج کی خبر آپ کے لیے کچھ بھاری پڑ سکتی ہے۔ محض ایک دن کی معمولی راحت کے بعد سررافہ بازار میں پیلی دھات کی چمک ایک بار پھر تیز ہو گئی ہے۔ 11 اپریل کی صبح بھارتی بازاروں میں سونے کی قیمتوں میں تیزی دیکھی گئی، جس نے خریداروں کی دھڑکنیں بڑھا دی ہیں۔ دہلی سے ممبئی تک سونے کے دام آسمان چھوتے نظر آ رہے ہیں۔

شہروں میں سونے کی کیا صورتحال ہے؟

ملک کی راجدھانی دہلی میں آج 24 کیریٹ سونے کی قیمت 1,52,510 روپے فی 10 گرام تک پہنچ گئی ہے۔ اگر آپ زیورات بنانے کے لیے 22 کیریٹ سونا دیکھ رہے ہیں تو اس کی قیمت 1,39,810 روپے فی 10 گرام ہے۔ اقتصادی راجدھانی ممبئی اور کولکاتا میں 24 کیریٹ سونا 1,52,360 روپے کی سطح پر ٹریڈ کر رہا ہے۔سب سے زیادہ تیزی جنوبی بھارت کے چنئی میں دیکھی جا رہی ہے، جہاں 24 کیریٹ سونے کی قیمت 1,54,100 روپے تک پہنچ گئی ہے۔ بین الاقوامی مارکیٹ میں بھی تیزی برقرار ہے، جہاں اسپاٹ گولڈ تقریباً 4,777 ڈالر فی اونس کے قریب ہے، جس کا براہ راست اثر گھریلو مارکیٹ پر پڑ رہا ہے۔

چاندی کی قیمتوں میں بھی اضافہ

صرف سونا ہی نہیں بلکہ چاندی کی قیمتوں میں بھی آج نمایاں اضافہ ہوا ہے۔ چاندی کی قیمت ایک بار پھر 2,60,100 روپے فی کلوگرام کے پار پہنچ گئی ہے۔ یاد رہے کہ اسی سال جنوری میں چاندی نے 4 لاکھ روپے فی کلوگرام کی تاریخی سطح کو بھی چھوا تھا۔ عالمی مارکیٹ میں چاندی کی بڑھتی مانگ کی وجہ سے گھریلو بازار میں بھی اس کی قیمتوں کو سہارا مل رہا ہے۔

کیا ابھی سرمایہ کاری درست ہے؟

بازار ماہرین اور تکنیکی چارٹس کے مطابق سونے اور چاندی میں فی الحال تیزی کا رجحان برقرار ہے۔ رپورٹس کے مطابق گزشتہ چند ہفتوں سے سونا مسلسل بڑھ رہا ہے۔ اگرچہ درمیان میں معمولی گراوٹ دیکھی جا رہی ہے، لیکن ماہرین کا کہنا ہے کہ جب تک سونا اپنی پچھلی نچلی سطح سے اوپر برقرار ہے، طویل مدت کے لیے صورتحال مثبت رہے گی۔ ماہرین کی رائے ہے کہ سرمایہ کار ہر چھوٹی گراوٹ کو خریداری کے موقع کے طور پر دیکھ سکتے ہیں، تاہم خطرے کو کم کرنے کے لیے اسٹاپ لاس کا خیال رکھنا بھی ضروری ہے۔

بھارت ایکسپریس اردو۔