قومی

Ghosi By Poll Result 2023: ”اوم پرکاش راج بھر سے ہمیشہ کہتا ہوں کہ زیادہ مت بولو“ گھوسی میں ہار کے بعد سنجے نشاد کی این ڈی اے اتحادیوں کو نصیحت

ملک کی 6 ریاستون کی 7 اسمبلی سیٹوں پرہوئی ووٹنگ کے بعد آج (8 ستمبر) ووٹوں کی گنتی ہوئی، جس میں بی جے پی نے تری پورہ اوراتراکھنڈ کی سیٹوں پر جیت درج کرلی ہے۔ حالانکہ اسے سب سے بڑا جھٹکا اترپردیش میں لگا ہے، جہاں مئوضلع کی گھوسی اسمبلی سیٹ میں یوگی حکومت کو بڑا جھٹکا لگا ہے۔ سماجوادی سے استعفیٰ دینے کے بعد بی جے پی میں شامل ہوئے دارا سنگھ چوہان کو سماجوادی پارٹی کے امیدوارسدھاکرسنگھ نے بڑے فرق سے ہرادیا ہے۔ اسی درمیان این ڈی اے کے اتحادی سنجے نشاد نے سماجوادی پارٹی اتحاد سے نکل کراین ڈی اے میں شامل ہونے والے اوم پرکاش راج بھرکو بڑی نصیحت دے دی ہے۔

سنجے نشاد کی اوپی راج بھر کو نصیحت

نشاد پارٹی کے صدر سنجے نشاد نے گھوسی کے نتائج سے متعلق بڑے نتائج سے متعلق بیان دیتے ہوئے کہا کہ نشاد سماج نے بی جے پی کو ووٹ دیا ہے۔ ہار کی کیا وجوہات ہوسکتی ہیں، اس کا جائزہ لیا جائے گا۔ اس کے ساتھ ہی انہوں نے کہا کہ اوم پرکاش راج بھرسے ہمیشہ کہتا رہا ہوں کہ زیادہ مت بولو۔ اپنے تعلقات کو ہمیشہ ٹھیک رکھنا چاہئے۔ انہوں نے یہ بھی کہا کہ گھوسی میں جو کمی رہ گئی ہے، اس کا جائزہ لیں گے۔ عوامی مینڈیٹ کا استقبال کرنا چاہئے۔

ارون راج بھرنے اپوزیشن پر تنقید کی

وہیں سہیل دیو بھارتیہ سماج پارٹی کے قومی جنرل سکریٹری ارون راج بھرنے گھوسی الیکشن کے نتائج سے متعلق کہا کہ اپوزیشن مان گیا ہے کہ ای وی ایم صحیح ہے۔ ہم لوگوں نے پوری طاقت سے کام کیا، جو کمی رہ گئی، اسے آگے صحیح کیا جائے گا۔ ایک ضمنی الیکشن ہارنے سے کچھ نہیں ہوتا، مستقبل میں غلطیوں سے سبق لیں گے اور انہیں سدھاریں گے۔

سماجوادی پارٹی کے سدھاکر سنگھ چل رہے ہیں آگے

واضح رہے کہ گھوسی اسمبلی سیٹ پرسماجوادی پارٹی کے امیدوارسدھاکرسنگھ مسلسل سبقت بنائے ہوئے ہیں۔ وہ بی جے پی کے دارا سنگھ چوہان سے 25 ہزار ووٹوں سے آگے چل رہے ہیں۔ 19ویں مرحلے کی گنتی کے بعد سماجوادی پارٹی کے امیدوارسدھاکرسنگھ کو 74946  ووٹ ملے ہیں جبکہ بی جے پی امیدوارکو49813 ووٹ ملے ہیں۔ جبکہ نوٹا کو 1054 ووٹ ملے ہیں۔ سماجوادی پارٹی چھوڑکربی جے پی کا دامن تھامنے والے دارا سنگھ چوہان اب جیت سے کافی دورنظرآرہے ہیں۔ سماجوادی پارٹی صبح شروع ہوئی پوسٹل بیلٹ کی گنتی سے ہی آگے چل رہی ہے۔ سماجوادی پارٹی کے کارکنان نے جیت سے متعلق جشن منانا بھی شروع کردیا ہے۔

  بھارت ایکسپریس۔

Nisar Ahmad

Recent Posts

Rajasthan Road Accident: راجستھان میں دو خوفناک سڑک حادثے، 12 افراد جاں بحق، ایک ہی خاندان کے 9 افراد کی موت

ابتدائی اطلاعات کے مطابق، حادثے کی ممکنہ وجہ ڈرائیور کو نیند کی جھپکی آنا بتائی…

6 minutes ago

Delhi AQI Today: دہلی کی فضا میں گھلا زہر، کئی علاقوں میں سانس لینا دشوار، جانئے کہاں کتنا ہے اے کیو آئی

فی الحال دہلی-این سی آر میں گریڈیڈ رسپانس ایکشن پلان (جی آر اے پی) کے…

1 hour ago

Cricketer Yuzvendra Chahal Joins BJP: بھارتی کرکٹر یوزویندر چہل نے سیاست میں رکھا قدم، بی جے پی میں شمولیت کے بعد ملی بڑی ذمہ داری

بھارتی کرکٹ ٹیم کے معروف اسپنر یوزویندر چہل کو بھارتیہ جنتا پارٹی (بی جے پی)…

10 hours ago