Laxmi Singh Leads Gautam Buddha Nagar Police To Historic No 1 Rank In IGRS: گوتم بدھ نگر بہترین پولیسنگ میں سب سے آگے، سی پی لکشمی سنگھ کی قیادت میں سبھی تھانے نمبر ون

Gautam Buddha Nagar News: اترپردیش کے گوتم بدھ نگرکمشنریٹ کی پولیس نے ایک نئی حصولیابی حاصل کی ہے۔ کمشنر آف پولیس لکشمی سنگھ کی قیادت میں ضلع کے سبھی تھانوں نے آئی جی آر ایس رینکنگ میں پہلا مقام حاصل کیا ہے۔ یہ پہلی بارہے جب ریاست کے کسی ضلع کے سبھی تھانے نمبر ون پر رہے ہیں۔

گوتم بدھ نگرکمشنریٹ گزشتہ ایک سال سے ٹاپ تین میں برقرار ہے اور مارچ مہینے کی رینکنگ انتظامیہ کے ذریعہ جاری کی گئی ہے۔ یہ حصولیابی انتظامیہ کی بہترین سروس اور لاء اینڈ آرڈر بنائے رکھنے میں ان کی صلاحیت کا ثبوت ہے۔

سی پی لکشمی سنگھ نے پولیس اہلکاروں کی کوششوں کی تعریف کرتے ہوئے کہا کہ یہ کامیابی پوری ٹیم کی محنت اورلگن کا نتیجہ ہے۔ ضلع میں مؤثر پولیسنگ، فوری کارروائی اور عوام کے ساتھ تعاون نے اس حصولیابی کو ممکن بنایا ہے۔

گوتم بدھ نگر کی یہ مثال دیگر اضلاع کے لیے ایک تحریک ہے، جس سے ظاہر ہوتا ہے کہ صحیح قیادت اور عزم کے ساتھ بہترین نتائج حاصل کیے جا سکتے ہیں۔