Atiq Ahmad son Aban Ahmad Death: عتیق احمد کے بیٹے نے بھائی کے سڑک حادثے میں انتقال پر کہا- ’’اللہ کی چیز تھی، اللہ نے لے لی…‘‘

سابق رکن پارلیمنٹ عتیق احمد کے بیٹے ابان احمد کی جمعرات (6 اگست) کو جھانسی میں سڑک حادثے میں موت ہوگئی۔ اپنے بھائی کی موت پراحزم احمد (عتیق احمد کا ایک اور بیٹا) نے کہا کہ اللہ کی چیزتھی، اللہ نے لے لی۔ انہوں نے کہا کہ اس سے زیادہ وہ اس موضوع پرکچھ نہیں کہیں گے۔ اپنے بھائی کی سڑک حادثے میں موت کے بعد جھانسی کے اسپتال میں احزم احمد پہنچے تھے۔ وہاں پولیس بڑی تعداد میں تعینات تھی۔

عتیق احمد کے بیٹے کی لاش کا پوسٹ مارٹم

جھانسی کے اسپتال میں عتیق احمد کے بیٹے ابان احمد کی لاش کا پوسٹ مارٹم کردیا گیا۔ ایڈیشنل پولیس سپرنٹنڈنٹ (دیہات) اروند کمار نے جانکاری دیتے ہوئے بتایا کہ سابق رکن پارلیمنٹ عتیق احمد کا بیٹا ابان احمد اپنے کچھ دوستوں کے ساتھ جھانسی جیل میں بند اپنے بھائیوں سے ملنے جا رہا تھا، تبھی راستے میں پنچھ تھانہ علاقے میں جھانسی-کانپور نیشنل ہائی وے پراس کی تیز رفتارسے گزررہی کار(ایس یووی) بے قابوہوکرایک ڈیوائیڈرسے ٹکرا کرپلٹ گئی۔

#WATCH | Jhansi | Two dead and three injured following a road accident in the Poonch police station area of Jhansi; Deceased mafia Atiq Ahmed’s son Aaban and his friend Sonu also lost his life in the accident

(Visuals of the injured being brought to the hospital) pic.twitter.com/UEeR0VcEH6

— ANI (@ANI) August 6, 2026

حادثے میں زخمی لوگوں کو اسپتال میں کرایا گیا داخل

ایس ایس پی بی بی جی ٹی ایس مورتی نے میڈیا کو بتایا کہ اس حادثے کی اطلاع پولیس کوجمعرات کو صبح ساڑھے 10 بجے ملی تھی۔ انہوں نے کہا کہ اس حادثے میں ابان احمد (21 سال) اور اس کے دوست سونو (25 سال) کی موت ہوگئی۔ مورتی نے بتایا کہ حادثے میں زخمی کارسواراعظم، محد جاوید اورعمرکو جھانسی میڈیکل کالج میں داخل کرایا گیا ہے۔ انہوں نے بتایا کہ وہ سبھی پریاگ راج کے ہی رہنے والے ہیں۔ پولیس معاملے کی جانچ کررہی ہے۔

پہلے ہی کئی مشکلات سے گزر چکا ہے خاندان

ابان احمد، عتیق احمد کے سب سے چھوٹے بیٹے تھے۔ اُمیش پال قتل کیس کے بعد ابان اوران کے بھائی احزم احمد کوکم عمری کے باعث بچوں کے تحفظاتی ادارے (بال سدھارگرہ) میں رکھا گیا تھا۔ بعد ازاں اکتوبر2023 میں دونوں بھائیوں کو وہاں سے رہا کرکے ان کی پھوپھی کی تحویل میں دے دیا گیا تھا۔عتیق احمد کے بڑے بیٹے علی احمد اس وقت جھانسی جیل میں قید ہیں۔ انہیں یکم اکتوبر2025 کونینی جیل سے جھانسی جیل منتقل کیا گیا تھا۔ بتایا جا رہا ہے کہ ابان احمد اپنے خاندان کے دیگرافراد اوردوستوں کے ساتھ انہی سے ملاقات کے لئے جا رہے تھے، لیکن منزل تک پہنچنے سے پہلے ہی یہ المناک حادثہ پیش آگیا۔

بھارت ایکسپریس اردو-