Subramanian Swamy on Narendra Modi: بی جے پی کے سابق ایم پی سوامی کا دعویٰ – پی ایم مودی نے کی تھی تاخیر، کہا-سپریم کورٹ اور سابق چیف جسٹس کا کریں شکریہ

Subramanian Swamy on Narendra Modi: اگرچہ ملک کی آبادی کا ایک بڑا حصہ وزیر اعظم نریندر مودی کو اتر پردیش کے ایودھیا میں تعمیر ہونے والے عظیم الشان رام مندر کے پیچھے ایک اہم عنصر مان رہا ہے، لیکن ان کی پارٹی کے ایک سینئر لیڈر نے (مندر کے حوالے سے) وزیر اعظم کے اس اقدام پر سوال اٹھائے ہیں۔ بھارتیہ جنتا پارٹی (بی جے پی) کے رہنما سبرامنیم سوامی نے کہا ہے کہ جب سپریم کورٹ میں رام جنم بھومی کیس اپنے اختتام کے قریب تھا، مودی نے اس میں تاخیر کرنے کی کوشش کی تھی۔ درحقیقت، مندر کی تعمیر کے لیے سپریم کورٹ اور اس وقت کے چیف جسٹس آف انڈیا (سی جے آئی) رنجن گوگوئی اور دیگر ججوں کا شکریہ ادا کرنا چاہیے۔

سوامی، جو طویل عرصے سے مودی-شاہ اور بی جے پی کی پالیسیوں کے سخت ناقد رہے ہیں، انہوں نے یہ باتیں جمعرات (11 جنوری 2024) کو سوشل میڈیا کے ذریعے کہیں۔ سوشل میڈیا پلیٹ فارم پر پوسٹس کی دو سیریز میں، انہوں  نے کہا کہ، مودی نے اس کیس میں تاخیر کی کوشش کی تھی۔ یہ معاملہ تب سپریم کورٹ میں ختم ہونے والا تھا۔ اس کے بعد حکومت نے ایک عرضی دائر کی تھی، جس میں اس نے ایودھیا کی تمام اراضی واپس کرنے کا کہا تھا۔ سپریم کورٹ نے پھر اسے نظر انداز کرتے ہوئے اپنا فیصلہ دیا، جس کے لیے اسے شکریہ ادا کرنا چاہیے۔ اس کے لیے اس وقت کے سی جے آئی گوگوئی اور دیگر چار ججوں کا شکریہ۔”

یہ بھی پڑھیں- Lok Sabha 2024 polls & BJP Plan: لوک سبھا انتخابات کیلئے بی جے پی کا بڑا منصوبہ تیار،فروری میں امیدواروں کی پہلی لسٹ ہوگی جاری،160سیٹوں پر خاص نظر

رام مندر کو لے کر بنایا جا چکا ہے ماحول!

دراصل 22 جنوری 2024 کو رام مندر میں پران پرتیشٹھا کا پروگرام ہے۔ رام للا کے مندر کے افتتاح سے پہلے ہی ان کے شہر میں عقیدت مندوں کی بھیڑ جمع ہونے لگی ہے۔ ایودھیا جانے والے ہی نہیں بلکہ جو لوگ اس پورے واقعہ کو قریب سے دیکھ رہے ہیں، وہ بھی کافی حد تک یہ مانتے ہیں کہ مندر مودی کے عزم، ارادے اور کوششوں کی وجہ سے بن رہا ہے۔

-بھارت ایکسپریس