قومی

Farooq Abdullah on Pakistan: پاکستان سے بات چیت کرنی ہے یا نہیں، یہ ہمارا نہیں مرکزی حکومت کا کام، فاروق عبداللہ کا بڑا بیان

پڑوسی ممالک سے تعلقات رکھنے کے لئے بات چیت کرنے کی اکثروکالت کرنے والے فاروق عبداللہ کا بڑا بیان سامنے آیا ہے۔ اسمبلی الیکشن میں ملی بڑی جیت کے بعد نیشنل کانفرنس کے سربراہ نے کہا ہے کہ پاکستان سے بات چیت شروع کرنی ہے یا نہیں، یہ ہمارا نہیں مرکزی حکومت کا کام ہے۔ ہم بھائی چارہ چاہتے ہیں، ہمیں اپنے سبھی پڑوسیوں کے ساتھ اچھے تعلقات رکھنا چاہئے۔

فاروق عبداللہ نے کہا کہ مجھے امید ہے کہ مرکزی حکومت جنوبی ایشیائی ایسوسی ایشن برائے علاقائی تعاون (سارک) کوپھرسے شروع کرے گی تاکہ ہم خوشی سے رہ سکیں۔ ہم ان ممالک کے بڑے بھائی ہیں۔ اسرائیل-فلسطین تنازعہ کے ساتھ ہی مشرق وسطیٰ کے موجودہ حالات پربھی فاروق عبداللہ نے بیان دیا ہے۔

ہمیشہ یہی چاہتا ہے امریکہ:  فاروق عبداللہ

فاروق عبداللہ نے کہا کہ ہندوستان اس معاملے میں ٹونیشن تھیوری کا سب سے بڑا حامی تھا۔ امریکہ کو بھی یہ سمجھنا چاہئے۔ امریکہ ہمیشہ چاہتا ہے کہ ان کے لئے ایک جگہ ہونی چاہئے تاکہ وہ مشرق وسطیٰ (مڈل ایسٹ) پر اپنا اختیاررکھ سکے۔ اگراسرائیل نہیں بھی ہوتا تو بھی وہ اسرائیل کا قیام کرلیتے۔ میں اسرائیل اورہندوستانی حکومت سے گزارش کروں گا کہ وہ بات کریں اور ان جنگوں کو ختم کریں۔

عمرعبداللہ نے پیش کیا حکومت سازی کا دعویٰ

دوسری جانب، نیشنل کانفرنس کے اراکین اسمبلی کی جمعہ کے روز میٹنگ ہوئی۔ اس میں عمرعبداللہ کو قانون ساز پارٹی کا لیڈر منتخب کیا گیا۔ اس پرعمرعبداللہ نے اراکین اسمبلی کا شکریہ ادا کیا۔ اس کے بعد عمرعبداللہ نے لیفٹیننٹ گورنر منوج سنہا سے ملاقات کی ہے اورحکومت سازی کا دعویٰ پیش کیا ہے۔ عمرعبداللہ نے کہا کہ جو فیصلہ لیا گیا ہے، اس کے بارے میں سبھی کوجانکاری ہے۔ میں پارٹی اراکین اسمبلی کا شکرگزارہوں کہ انہوں نے مجھ پربھروسہ ظاہرکیا۔

چارآزاد اراکین اسمبلی نے نیشنل کانفرنس کو حمایت دی

عمرعبداللہ نے کہا کہ 7 میں سے 4 آزاد اراکین اسمبلی نے بھی نیشنل کانفرنس کوحمایت دے دی ہے۔ اس سے پارٹی کا اسمبلی اعدادوشماربڑھ کر 46 ہوگیا ہے۔ واضح رہے کہ جموں وکشمیراسمبلی الیکشن میں نیشنل کانفرنس سب سے بڑی پارٹی بن کرابھری ہے۔ اسے 42 سیٹوں پرجیت ملی ہے جبکہ 6 اراکین اسمبلی کانگریس کے ٹکٹ پرمنتخب ہوئے ہیں۔

-بھارت ایکسپریس

Nisar Ahmad

Recent Posts

Delhi Court Issue Notice To Boxer Mary Kom: ہتک عزت کیس میں ساکیت کورٹ نے باکسر میری کوم کو جاری کیا نوٹس، 21 دسمبر کو ہوگی اگلی سماعت

سابق شوہر کرونگ اونلر کی جانب سے دائر فوجداری ہتک عزت کے مقدمے میں عدالت…

4 hours ago

AIIMS Nagpur News: ایمس ناگپور میں ساتویں سائنس کانفرنس اور قومی بایومیڈیکل تحقیقی مقابلے 2026 کا آغاز

تین روزہ کانفرنس میں ملک و بیرون ملک کے نوجوان محققین، سائنس دانوں اور طبی…

5 hours ago