Entry of VIP Babas in Mahakumbh:: مہا کمبھ میں وی آئی پی باباوں کی انٹری: کسی نے کروڑوں کی آڈی میں لی انٹری تو  کوئی ٹریکٹر پر سوار ہو کر پہنچا سنگم

پریاگراج: مہا کمبھ میں ہر بار آستھہ اور بھکتی  کا سنگم نظر آتا ہے۔ لیکن اس بار بھکتی کے ساتھ باباوں کی لگژری کاریں بھی چرچا میں ہیں۔کئی سادھو اور سنت مہنگی اور لگژری کاروں میں مہا کمبھ پہنچے ، جن کی قیمت سن کر آپ  چونک جائیں گے۔ کسی نے کروڑوں کی آڈی سے انٹری لی تو کوئی کروڑوں کے ٹریکٹر پر سوار ہو کر آیا۔ ایک بابا  تو ایسی گاڑی میں پہنچے، جسے خریدنے کے خواب بڑے بڑے تاجر بھی دیکھتے ہوں گے۔ آئیے جانتے ہیں ان پانچ VIP باباؤں اور ان کی گاڑیوں کے بارے میں۔

جگت گرو رام بھدراچاریہ

جگت گرو رام بھدراچاریہ ہمیشہ اپنی شان و شوکت کے لیے جانے جاتے ہیں۔ وہ امبانی کے بیٹے کی شادی میں پرائیویٹ جیٹ سے انٹری لی تھی، جب کہ وہ بھگوا رنگ کی لگژری آڈی کار میں مہا کمبھ میلے میں پہنچے۔ ان کی گرینڈ انٹری لوگوں میں بحث کا موضوع بن گئی۔

رمتا جوگی بابا

رامتا جوگی نامی بابا کسی کار سے نہیں بلکہ اپنے لگژری ٹریکٹر میں کمبھ پہنچے۔ اس ٹریکٹر کی قیمت تقریباً 2 کروڑ روپے بتائی جاتی ہے۔ اس میں ہوائی جہاز کے ٹائر لگے ہیں اور بابا نے اس کا نام ’ارجن رتھ‘ رکھا ہے۔ بابا کی دولت کروڑوں میں بتائی جاتی ہے اور ان کی شاہی سواری نے میلے میں لوگوں کو حیران کردیا۔

ٹارزن بابا

اندور کے رہنے والے ٹارزن بابا اپنی تیس سال پرانی ایمبیسیڈر کار میں مہا کمبھ پہنچے۔ ان کی گاڑی میلے میں توجہ کا مرکز بنی ہوئی ہے۔ خاص بات یہ ہے کہ یہ کار انہیں آر ٹی او نے تحفے میں دی تھی۔ بابا کا دعویٰ ہے کہ اس نے اس کار میں پورے ملک کی سیر کی ہے اور آج بھی اسے ہی استعمال کرتے ہیں۔ غیر ملکی سیاح بھی اس انوکھی کار کو دیکھ کر حیران ہیں۔

سوامی واسودیوانند سرسوتی

سوامی واسودیوانند سرسوتی کروڑوں کی رولس رائس لے کر مہا کمبھ پہنچے۔ اس شاندار کار کی قیمت تقریباً 4 سے 5 کروڑ روپے بتائی جاتی ہے۔ اسے مکمل طور پر پھولوں سے سجایا گیا ہے، اور عقیدت مندوں کا ہجوم اسے دیکھنے کے لیے جمع ہو رہا ہے۔ ان کی یہ گاڑی اتنی لگژری ہے کہ بالی ووڈ کے کئی بڑے ستارے بھی اسے خریدنے کا خواب دیکھتے ہیں۔

تھار والے بابا

تھار بابا اپنی مہنگی گاڑیوں اور شاہی طرز زندگی کے لیے مشہور ہے۔ وہ تھار کے قافلے اور کئی لگژری کاروں کے ساتھ کمبھ پہنچے۔ وہ اتنے امیر ہیں کہ لاکھوں روپے کی چشمہ پہنتے ہیں اور لوگ اس کی گاڑیوں کی تعداد دیکھ کر دنگ رہ جاتے ہیں۔ مہا کمبھ میں ان کی دولت کا خوب چرچا ہو رہا ہے۔

بھارت ایکسپریس۔