وزیر تعلیم دھرمیندر پردھان نے اپوزیشن سے کی اپیل
مرکزی وزیر تعلیم دھرمیندر پردھان نے جمعہ کو کہا کہ حکومت میڈیکل داخلہ سے متعلق امتحان نیٹ پر بات چیت کے لیے تیار ہے، لیکن یہ بحث روایت کے مطابق اور شائستگی کو برقرار رکھتے ہوئے ہونی چاہیے۔ نیٹ یو جی 2024 کے انعقاد سے متعلق الزامات پر اپوزیشن کی جانب سے بحث کے مطالبے کی وجہ سے لوک سبھا کی کارروائی ملتوی ہونے کے بعد وزیر تعلیم نے اپوزیشن سے اپیل کی کہ وہ طلباء کو گمراہ نہ کریں۔
وزیر تعلیم دھرمیندر پردھان نے کہا، ‘حکومت ہر طرح کی بحث کے لیے تیار ہے، لیکن سب کچھ قواعد کے مطابق ہونا چاہیے اور شائستگی کو برقرار رکھنا چاہیے۔ صدر نے کل اپنے خطاب میں امتحان کے بارے میں بات کی اور اس سے حکومت کی نیت ظاہر ہوتی ہے کہ ہم کسی بھی مسئلے کا سامنا کرنے کے لیے تیار ہیں۔
سخت ترین ایکشن لیں گے، کسی کو نہیں چھوڑیں گے، وزیر تعلیم
انہوں نے کہا کہ حکومت کی ذمہ داری ملک کے نوجوانوں اور طلباء کے تئیں ہے۔ جب حکومت اپنا موقف پیش کرنے کو تیار ہے تو پھر کنفیوژن کیا ہے؟ ہم سخت ترین کارروائی کرنے جا رہے ہیں اور سی بی آئی ہر ایک کو پکڑنے جا رہی ہے (جو اس میں ملوث ہے)۔ ہم کسی کو نہیں چھوڑیں گے۔
ملتوی یا منسوخ شدہ امتحانات کی نئی تاریخیں جلد
دھرمیندر پردھان نے کہا، ‘ہم کسی کو چھوڑنے والے نہیں ہیں۔ این ٹی اے کے انچارج لوگوں کو ہٹا کر اعلیٰ حکام کو ذمہ داری سونپ دی گئی ہے۔ یہ سب حکومت کے عزم کا ثبوت ہے۔ میں اپوزیشن سے اپیل کرنا چاہتا ہوں کہ طلبہ کو گمراہ نہ کریں۔ انہوں نے کہا کہ اصلاحات کے لیے ایک اعلیٰ سطحی کمیٹی بھی تشکیل دی گئی ہے۔ جلد ہی ان تمام امتحانات (ملتوی یا منسوخ) کی تاریخوں کا بھی اعلان کیا جائے گا۔ انہوں نے کہا، ‘میں اپوزیشن سے درخواست کرتا ہوں کہ وہ بحث میں شامل ہوں۔’
آپ کو بتاتے چلیں کہ نیشنل ایلیجیبلٹی کم انٹرنس ٹیسٹ (انڈر گریجویٹ) یا این ای ای ٹی یو جی 2024 کا اہتمام نیشنل ٹیسٹنگ ایجنسی (این ٹی اے) نے 5 مئی کو کیا تھا، جس میں تقریباً 24 لاکھ امیدواروں نے حصہ لیا تھا۔ NEET UG کا نتیجہ 4 جون کو جاری کیا گیا تھا، جس کے بعد بہار اور جھارکھنڈ سمیت کئی ریاستوں میں بے ضابطگیوں اور سوالیہ پرچہ لیک ہونے کے الزامات لگائے گئے تھے۔ جمعرات کو صدر دروپدی مرمو نے لوک سبھا اور راجیہ سبھا کے مشترکہ اجلاس سے خطاب کرتے ہوئے پیپر لیک پر بحث کی تھی۔ لوک سبھا نے صدر کے خطاب پر شکریہ کی تحریک پر بحث کے لیے 16 گھنٹے کا وقت دیا ہے۔ توقع ہے کہ وزیر اعظم نریندر مودی منگل کو اس بحث کا جواب دیں گے۔
بھارت ایکسپریس۔
صدر جمہوریہ، نائب صدر ہند، پی ایم مودی ،امت شاہ ،راہل گاندھی ،اکھلیش یادو، پرینکا…
بتادیں کہ پی ایم مودی نے ہاتھرس میں پیش آنے والے واقعہ پر غم کا…
اب ایک مشہوراداکارہ نے اپنے ساتھ ہوئی کاسٹنگ کاؤچ سے متعلق بڑا انکشاف کیا ہے۔…
القادر ٹرسٹ معاملے میں عمران خان کی اہلیہ بشریٰ بی بی کو ضمانت مل گئی…
پی ایم مودی نے کہا کہ کرناٹک، یوپی اور راجستھان میں پچھلی بار کے مقابلے…
انجینئر رشید نے لوک سبھا رکن پارلیمنٹ کے طور پر حلف لینے کے لئے عبوری…