ED Case Against Sameer Wankhede: شاہ رخ خان کے بیٹے کو جیل بھیجنے والے سمیر وانکھیڑے کو جانا پڑ سکتا ہے جیل،ای ڈی نے کی بڑی کاروائی

انفورسمنٹ ڈائریکٹوریٹ (ای ڈی) نے ہفتہ (10 فروری) کو ممبئی نارکوٹکس کنٹرول بیورو (این سی بی) کے سابق زونل ڈائریکٹر سمیر وانکھیڑے کے خلاف مقدمہ درج کیا ہے۔ سمیر وانکھیڑے کے خلاف ‘پریوینشن آف منی لانڈرنگ ایکٹ کے تحت مقدمہ درج کیا گیا ہے۔ معاملہ درج کرنے کے بعد ای ڈی نے کچھ لوگوں کو بھی طلب کیا ہے، جن سے تفتیشی ایجنسی منی لانڈرنگ معاملے میں پوچھ گچھ کرنے جا رہی ہے۔

انفورسمنٹ ڈائریکٹوریٹ نے اس معاملے میں کچھ لوگوں سے پوچھ گچھ بھی کی ہے۔ جن لوگوں کو سمن بھیجا گیا ہے، ان میں کچھ ایسے لوگ بھی ہیں جو این سی بی سے وابستہ ہیں۔ اس کے علاوہ کچھ پرائیویٹ لوگ بھی ملوث ہیں جن سے پوچھ گچھ کی جائے گی۔ جانچ ایجنسی نے ان تمام لوگوں کو پوچھ گچھ میں شامل ہونے کے لیے ممبئی میں ای ڈی کے دفتر بلایا ہے۔ سمیر وانکھیڑے بالی ووڈ سپر اسٹار شاہ رخ خان کے بیٹے آرین خان کو منشیات کے کیس میں گرفتار کرنے کے بعد سرخیوں میں آئے تھے۔

درحقیقت، مئی 2023 میں، سی بی آئی نے سمیر وانکھیڑے اور چار دیگر کے خلاف آرین خان کو منشیات کے ایک معاملے میں پھنسانے کے لیے مبینہ طور پر 25 کروڑ روپے کی رشوت طلب کرنے کے الزام میں ایف آئی آر درج کی تھی۔ ان تمام لوگوں پر رشوت کی پہلی قسط کے طور پر 50 لاکھ روپے لینے کا الزام تھا۔ ایف آئی آر درج کرنے کے بعد سی بی آئی نے 29 مقامات پر چھاپے مارے گئے۔اسی وقت، سمیر وانکھیڑے نے ہائی کورٹ سے بھی رجوع کیا تھا جس میں سی بی آئی کی طرف سے درج ایف آئی آر کو منسوخ کرنے اور کسی بھی تعزیری کارروائی سے عبوری تحفظ کا مطالبہ کیا تھا۔ ساتھ ہی اس ایف آئی آر کی بنیاد پر ای ڈی نے منی لانڈرنگ کا معاملہ درج کیا ہے۔

بھارت ایکسپریس۔