Dr. Rajeshwar Singh meets CM Yogi: ڈاکٹر راجیشور سنگھ نے وزیر اعلیٰ یوگی آدتیہ ناتھ سے کی اہم ملاقات، سروجنی نگر میں ترقیاتی کاموں پر کیا تبادلۂ خیال

اتر پردیش میں بی جے پی کے ایک مقبول رہنما اور سروجنی نگر کے ایم ایل اے ڈاکٹر راجیشور سنگھ نے منگل کو وزیر اعلی یوگی آدتیہ ناتھ سے ملاقات کی۔ اس دوران انھیں یوگی جی کا آشیرواد اور رہنمائی حاصل ہوئی۔ اس ملاقات کے دوران ڈاکٹر راجیشور سنگھ نے سروجنی نگر میں ہو رہے ترقیاتی کاموں کی پیش رفت پر تبادلۂ خیال کیا اور علاقے کے مسائل کو حل کرنے کے لیے کئی تجاویز پیش کیں۔

سروجنی نگر کی ترقی کے لیے وزیر اعلیٰ یوگی کا ادا کیا شکریہ

ڈاکٹر راجیشور سنگھ نے کہا کہ وزیر اعلی یوگی آدتیہ ناتھ کی قیادت میں سروجنی نگر میں ریاست کا سب سے بڑا الیکٹرک وہیکل پلانٹ ’’اشوک لی لینڈ ای وی بس مینوفیکچرنگ یونٹ‘‘ قائم کیا جا رہا ہے۔ اس کے علاوہ دنیا کے تیز ترین سپرسونک کروز میزائل ’’براہموس‘‘ کی تیاری بھی خطے میں شروع ہو گئی ہے۔ انھوں نے سروجنی نگر میں ان منصوبوں کے آغاز کے لیے وزیر اعلیٰ یوگی کا شکریہ ادا کیا۔

اس کے علاوہ ڈاکٹر راجیشور سنگھ نے وزیر اعلیٰ یوگی آدتیہ ناتھ سے یہ بھی درخواست کی کہ وہ لکھنؤ کے بڑے نالوں کی صفائی، چوڑائی اور بلاتعطل بہاؤ کو یقینی بنائیں تاکہ علاقے میں پانی جمع ہونے کے مسئلے کو حل کیا جا سکے۔ اس کے علاوہ سائیں داتا روڈ اہیما مئو،، تپوون نگر، شانتی نگر اور گندن کھیڑا میں نئے نالوں کی تعمیر کا مطالبہ کیا۔ اس کے علاوہ انھوں نے وزیر اعلیٰ کو فوری ترقیاتی اسکیم کے تحت گہرو میں سڑکوں اور ایک اسٹیڈیم کی تعمیر کی تجویز بھی دی۔ وزیر اعلی یوگی آدتیہ ناتھ نے ان کے تمام مطالبات پر مثبت یقین دہانی کرائی ہے۔

اس ملاقات کی خبر شیئر کرتے ہوئے ڈاکٹر راجیشور سنگھ نے کہا کہ وزیر اعلی یوگی آدتیہ ناتھ کی قیادت میں سروجنی نگر ترقی کی نئی بلندیوں کو چھو رہا ہے۔ انھوں نے اہل علاقہ کی جانب سے وزیر اعلیٰ سے اظہار تشکر کیا اور وزیر اعلیٰ کی قائدانہ صلاحیتوں کی بھی جم کر تعریف کی۔

بھارت ایکسپریس اردو