Delhi Air Pollution: دہلی میں دیوالی پر دم گھٹنے والی ہوا! آسمان پر چھائی زہریلی دھند، ایئر کوالٹی انڈیکس 550 سے تجاوز

نئی دہلی: دہلی میں منگل (21 اکتوبر) کی صبح زہریلی ہوا میں ہوئی۔ پیر، یعنی دیوالی کی شام بھی دہلی کے 38 نگرانی اسٹیشنوں میں سے 34 پر آلودگی کی سطح ‘ریڈ زون’ میں درج کی گئی تھی۔ ریڈ زون کا مطلب ہے ‘انتہائی خراب’ سے ‘سنگین’ فضائی معیار۔ وہیں، پیر اور منگل کی درمیانی رات دہلی میں دھند کی موٹی چادر چھائی رہی اور اوسط AQI 531 ریکارڈ کیا گیا۔ یہ قومی اوسط سے 1.8 گنا زیادہ ہے۔

گڑگاؤں کا 402 ریکارڈ کیا گیا AQI

اتنا ہی نہیں، نریلا میں ہوا کے معیار کا اشاریہ 550 سے تجاوز کر کے 551 تک پہنچا اور اشوک نگر میں 493 تک جا پہنچا۔ دیوالی کی شام دہلی میں خوب آتش بازی کی گئی۔ اس دوران این سی آر کے نوئیڈا اور گڑگاؤں میں بھی حالات کچھ خاص بہتر نہیں رہے۔ نوئیڈا کا AQI 407 جبکہ گڑگاؤں کا 402 ریکارڈ کیا گیا۔

محکمہ موسمیات کا کہنا ہے کہ دیوالی کی شام ہوا نہ چلنے کے سبب آسمان پر دھند چھائی رہی۔ منگل کی صبح دہلی کے کئی علاقوں میں جزوی طور پر بادل چھائے رہنے کا امکان ہے۔

مرکزی آلودگی کنٹرول بورڈ (CPCB) کے ‘سمیر’ ایپ کے مطابق، چار نگرانی اسٹیشنوں نے پہلے ہی ہوا کے معیار کو ‘سنگین’ زمرے میں بتایا، جہاں AQI کی سطح 400 سے اوپر تھی۔ ان میں دوارکا میں AQI 417، اشوک وہار میں 404، وزیرپور میں 423 اور آنند وہار میں 404 درج کیا گیا۔

دہلی میں21 اکتوبر صبح 6:00 بجے کا AQI
آنند وہار: 352
بوراڑی کراسنگ: 393
اشوک وہار: 386
آیا نگر: 349
بوانا: 418
CRRI متھورا روڈ: 341
چاندنی چوک: 347
NSIT دوارکا: 389
IGI ایئرپورٹ ٹی 3: 294
دلشاد گارڈن: 346
آئی ٹی او: 345
جہانگیرپوری: 404
لودھی روڈ: 334
نریلا: 354
ڈی یو نارتھ کیمپس: 352
پٹپڑگنج: 339
آر کے پورم: 369
روہنی: 367
سیری فورٹ: 310
وزیرپور: 408
ویویک وہار: 367

غازی آباد
اندراپورم: 329
لونی: 329
وسندھرا: 351

نوئیڈا
سیکٹر-125: 326
سیکٹر-1: 322
سیکٹر-116: 340

گڑگاؤں
سیکٹر-51: 346
NISE: 357

دہلی میں GRAP-2 نافذ
دہلی میں بڑھتے آلودگی کے پیش نظر “گریڈڈ ریسپانس ایکشن پلان” یعنی GRAP-2 نافذ کر دیا گیا ہے۔ دیوالی سے پہلے ہی دہلی کی ہوا زہریلی ہو چکی تھی۔ ایسے میں ڈیزل جنریٹر کے استعمال پر پابندی لگا دی گئی۔ نجی گاڑیوں کے استعمال کو کم کرنے کے لیے پارکنگ فیس میں اضافہ کیا گیا۔ سی این جی اور الیکٹرک بسوں کے ساتھ میٹرو کی سروس بھی بڑھائی گئی۔ قدرتی گیس، بایو گیس اور ایل پی جی سے چلنے والے جنریٹر استعمال کرنے کی اجازت دی گئی۔

38 مقامات پر انتہائی خراب AQI
دہلی کے تقریباً 30 نگرانی اسٹیشنوں نے AQI کو ‘بہت خراب’ زمرے میں بتایا، جہاں اس کی سطح 300 سے اوپر تھی۔ اعداد و شمار کے مطابق، دوپہر میں 38 نگرانی اسٹیشنوں میں سے 31 پر فضائی معیار ‘بہت خراب’ اور تین پر ‘سنگین’ زمرے میں درج کیا گیا۔ دہلی میں منگل اور بدھ کے دن فضائی معیار کے ‘سنگین’ زمرے میں پہنچنے کا خدشہ ظاہر کیا گیا ہے۔

عدالت نے شرائط کے ساتھ اجازت دی تھی
سپریم کورٹ نے 15 اکتوبر کو کچھ شرائط کے ساتھ دہلی-این سی آر میں ’گرین پٹاخوں‘ کی فروخت اور استعمال کی اجازت دی تھی۔ اس کے تحت دیوالی سے ایک دن پہلے اور تہوار کے دن صبح 6 بجے سے شام 7 بجے تک اور پھر رات 8 بجے سے 10 بجے تک گرین پٹاخے پھوڑنے کی اجازت دی گئی تھی۔

بھارت ایکسپریس۔