Delhi Air Pollution: دھند کی چادر میں لپٹی دہلی، آلودگی بڑھنے سے لوگوں کو ہو رہی ہے پریشانی

نئی دہلی: قومی راجدھانی دہلی میں سردی نے دستک دے دی ہے۔ صبح و شام سردی کا احساس ہو رہا ہے۔ اس دوران قومی راجدھانی دہلی میں بھی اسموگ کا اثر دکھائی دے رہا ہے۔ آلودگی کی وجہ سے ویزیبلیٹی کافی حد تک کم ہو گئی ہے۔

اتوار کے روز دہلی میں کئی مقامات پر دھند دیکھی گئی۔ دہلی کی جن پتھ روڈ ہو یا کرتویہ پتھ یا راشٹرپتی بھون سے لے کر بریگیڈیئر ہوشیار سنگھ مارگ تک کا علاقہ دھند کی چادر میں لپٹا ہوا ہے۔ جس کی وجہ سے سڑک سے گزرنے والی گاڑیوں کی رفتار بھی کم ہوگئی اور شام ہوتے ہی گاڑیوں کی لائٹس جلتی نظر آئیں۔

مقامی رہائشی اوم دت شرما نے دہلی کی صورتحال پر تشویش کا اظہار کیا۔ انہوں نے کہا کہ دہلی میں آلودگی کی سطح کافی بڑھ گئی ہے اور اس کی وجہ سے سانس لینے میں دشواری ہو رہی ہے۔ میں نے سوچا بھی نہیں تھا کہ دہلی میں کبھی ایسی صورتحال ہوگی، آج سروجنی نگر علاقے میں آلودگی کی سطح 450 سے تجاوز کر گئی ہے۔ آنکھوں میں جلن ہوتی ہے اور سانس لینے میں دشواری ہوتی ہے۔ میں صرف اتنا کہوں گا کہ حکومت اس طرف بھی توجہ دے۔

ایک مقامی باشندہ نے کہا کہ دہلی میں بڑھتی ہوئی آلودگی کی وجہ سے اب کئی پریشانیاں شروع ہو گئی ہیں۔ ہمیں آنکھوں میں جلن، کھانسی کا بڑھنا جیسے مسائل کا سامنا ہے۔ حکومت ہر بار اسی طرح کے دعوے کرتی ہے لیکن یہ مسئلہ پھر بھی برقرار رہتا ہے۔

دہلی-این سی آر میں دھند کے حالات برقرار ہیں، اور اتوار کے روز زیادہ تر علاقوں میں ہوا کے معیار کا انڈیکس (AQI) ’شدید‘ زمرے میں رہا۔ مرکزی آلودگی کنٹرول بورڈ (CPCB) کے مطابق، صبح 7:30 بجے دہلی کا مجموعی AQI 428 تھا، جو ’شدید‘ زمرے میں آتا ہے۔ اس کے علاوہ دہلی-این سی آر شہروں فرید آباد میں فضائی آلودگی کی سطح 268، گروگرام 287، غازی آباد 379، گریٹر نوئیڈا 342 اور نوئیڈا میں 304 تھی۔

بھارت ایکسپریس۔