Minor gang-raped near Kalkaji Temple: کالکاجی مندر کے قریب نابالغ لڑکی سے اجتماعی زیادتی، انکاؤنٹر کے بعد ایک ملزم گرفتار

نئی دہلی: دارالحکومت دہلی میں کالکاجی مندر کے قریب 17 سالہ نابالغ لڑکی کے ساتھ اجتماعی زیادتی کا سنگین معاملہ سامنے آیا ہے۔ پولیس نے کارروائی کرتے ہوئے تین مبینہ ملزمان میں سے ایک کو انکاؤنٹر کے بعد گرفتار کر لیا ہے۔ گرفتار ملزم کی شناخت آصف کے طور پر ہوئی ہے۔ پولیس کے مطابق ملزم کے پیر میں گولی لگی ہے اور اسے حراست میں لے کر علاج کرایا جا رہا ہے۔ابتدائی تحقیقات میں سامنے آیا ہے کہ ملزمان نے خود کو پولیس اہلکار ظاہر کرکے نابالغ لڑکی اور اس کے 17 سالہ دوست کو دھمکایا تھا۔ پولیس دیگر دو ملزمان کی گرفتاری کے لیے کارروائی کر رہی ہے۔

پارک میں پہنچے تین نوجوان، خود کو بتایا پولیس اہلکار بتایا

بتایا گیا ہے کہ متاثرہ لڑکی پیر 21 ستمبر کی شام تقریباً 7 بجے اپنے 17 سالہ دوست کے ساتھ کالکاجی مندر پہنچی تھی۔ مندر میں درشن کے بعد دونوں تقریباً 7:30 بجے قریب واقع ایک پارک میں گئے۔الزام ہے کہ اسی دوران 25 سے 30 سال کی عمر کے تین نوجوان وہاں پہنچے۔ تینوں نے خود کو پولیس اہلکار بتایا اور لڑکی اور اس کے دوست کو دھمکایا۔ اس کے بعد ملزمان نے لڑکے کو مبینہ طور پر یرغمال بنا لیا اور نابالغ لڑکی کے ساتھ اجتماعی زیادتی کی۔

پوکسو ایکٹ سمیت متعلقہ دفعات میں مقدمہ درج

پولیس کو تقریباً 8:45 بجے پارک سے پی سی آر کال موصول ہوئی۔ اطلاع ملتے ہی پولیس ٹیم موقع پر پہنچی اور نابالغ لڑکی کو طبی معائنے کے لیے اسپتال بھیجا گیا۔ پولیس نے پوکسو ایکٹ سمیت متعلقہ دفعات کے تحت مقدمہ درج کر لیا ہے۔انکاؤنٹر کے بعد گرفتار کیے گئے ملزم آصف کے پیر میں گولی لگی ہے۔ پولیس اب اس سے پوچھ گچھ کرکے دیگر دو ملزمان کے بارے میں معلومات حاصل کرنے کی کوشش کر رہی ہے۔

سی سی ٹی وی فوٹیج کھنگال رہی دہلی پولیس

ملزمان کی شناخت اور گرفتاری کے لیے دہلی پولیس پارک اور اس کے آس پاس کے علاقوں میں نصب سی سی ٹی وی کیمروں کی فوٹیج کی جانچ کر رہی ہے۔ پولیس نے علاقے میں موجود لوگوں سے بھی واقعے کے بارے میں معلومات حاصل کرنا شروع کر دی ہیں۔پولیس کے مطابق دیگر ملزمان کی گرفتاری کے لیے مختلف مقامات پر تلاش جاری ہے اور واقعے سے متعلق تمام پہلوؤں کی تحقیقات کی جا رہی ہیں۔

بھارت ایکسپریس اردو