Delhi MCD by-election result: دہلی ایم سی ڈی ضمنی انتخابات کے نتائج: بی جے پی کو 2 نشستوں کا نقصان، عام آدمی پارٹی اور کانگریس کی کیسی رہی کارکردگی؟

دہلی میونسپل کارپوریشن (ایم سی ڈی) کے 12 وارڈوں میں ہونے والے ضمنی انتخابات کے نتائج سامنے آ چکے ہیں۔ اس بار بی جے پی کو بڑا نقصان برداشت کرنا پڑا ہے۔ جن 12 وارڈوں میں الیکشن ہوئے تھے، ان میں سے 9 پر پہلے بی جے پی کا قبضہ تھا، لیکن اب پارٹی صرف 7 نشستوں تک محدود رہ گئی ہے۔ عام آدمی پارٹی نے 3 وارڈوں میں کامیابی حاصل کی ہے، کانگریس کو ایک سیٹ ملی ہے اور ایک آزاد امیدوار نے بھی جیت درج کی ہے۔

الیکشن کب ہوا تھا؟

30 نومبر کو ووٹنگ ہوئی تھی، جس میں ووٹر ٹرن آؤٹ کافی کم رہا، لیکن پورا الیکشن پُرامن رہا۔ کہیں سے بھی کسی جھگڑے یا بدنظمی کی خبر نہیں آئی۔ ووٹوں کی گنتی 3 دسمبر کی صبح شروع ہوئی اور نتائج آتے ہی سیاسی ماحول میں ہلچل پیدا ہو گئی۔

کہاں سے کون جیتا؟

اگر وارڈ وائز نتائج پر نظر ڈالیں تو بی جے پی کی سرلا چودھری نے وِنود نگر سے، منیشا دیوی نے دوارکا بی سے اور وینا اسیجا نے اشوک وہار سے کامیابی حاصل کی۔ گریٹر کیلایش سے انجم ماڈل، دنچاؤں کلا سے ریکھا رانی اور شالیمار باغ بی سے انیتا جین نے کامیابی حاصل کی۔ چاندنی چوک سے سمن کمار گپتا بھی بی جے پی کے کھاتے میں گئے۔وہیں چاندنی محل سے آزاد امیدوار محمد عمران نے جیت حاصل کی۔ عام آدمی پارٹی کی بات کریں تو مُنڈکا سے انل پوری، رام سوروپ کنوجیا اور نرائنا سے راجن اروڑا نے کامیابی حاصل کی۔ کانگریس نے سنگم وہار اے سے سریش چودھری کو فاتح بنایا۔ دہلی ریاستی الیکشن کمیشن کے مطابق 143 پولنگ مراکز کے 580 بوتھوں پر ووٹنگ کرائی گئی تھی۔ اس ضمنی انتخاب کو بی جے پی کی نئی میئر ریکھا گپتا کی پہلی بڑی آزمائش مانا جا رہا تھا۔ 2022 میں بی جے پی نے 115 سیٹیں جیتی تھیں اور اس بار پارٹی چاہتی تھی کہ اس کا اسٹرائک ریٹ 100 فیصد رہے، مگر نتائج نے واضح کر دیا کہ دہلی کی سیاست کا مقابلہ اب مزید دلچسپ ہونے جا رہا ہے۔

بھارت ایکسپریس اردو۔