Delhi Mayor Election: بی جے پی کو جھٹکا، کراس ووٹنگ کے باوجود تین ووٹوں سے جیتے AAP کے مہیش کھینچی

Delhi Mayor Election: اے اے پی نے ایم سی ڈی انتخابات میں میئر اور ڈپٹی میئر کے دونوں عہدوں پر کامیابی حاصل کی ہے، جسے اگلے سال ہونے والے دہلی اسمبلی انتخابات سے قبل سیمی فائنل سمجھا جا رہا ہے۔ میئر کے عہدے کے انتخاب میں AAP امیدوار مہیش کمار کھیچی نے کامیابی حاصل کی۔ AAP کے 10 کونسلروں نے بی جے پی کو ووٹ دیا۔ اس کراس ووٹنگ کے باوجود پارٹی جیت گئی۔ بقیہ مدت کے لیے دہلی کے میئر کا عہدہ ایس سی کے لیے محفوظ ہے۔

اے اے پی نے بلا مقابلہ جیتا ڈپٹی میئر کا عہدہ

وہیں بی جے پی نے ڈپٹی میئر کے عہدے کے لیے اپنا امیدوار واپس لے لیا۔ ایسے میں اس عہدے کے لیے عام آدمی پارٹی کے امیدوار رویندر بھاردواج بلا مقابلہ منتخب ہو گئے۔

میئر کے عہدے کے لیے AAP کو 133 اور بی جے پی کو 130 ووٹ ملے

میئر کے عہدے کے انتخاب میں کل 265 ووٹ ڈالے گئے۔ مہیش کھیچی کو مجموعی طور پر 135 ووٹ ملے لیکن ان کے دو ووٹوں کو غلط قرار دیا گیا جس کے بعد انہیں 133 درست ووٹ ملے۔ مہیش کمار کھیچی دیو نگر (وارڈ نمبر 84) سے کونسلر ہیں۔ بی جے پی کے کشن لال کو 130 ووٹ ملے۔ اے اے پی نے تین ووٹوں سے کامیابی حاصل کی۔ اس کامیابی کے بعد عام آدمی پارٹی کے کونسلروں نے ایوان میں جشن منانا شروع کر دیا۔

جیت کے بعد مہیش کھیچی نے کیا کہا؟

جیت کے بعد نئے میئر مہیش کھیچی نے کراس ووٹنگ پر کہا کہ جیت جیت ہوتی ہے چاہے نمبر کوئی بھی ہو۔ ہماری ترجیح دہلی کو بہتر بنانا ہے۔ کام جاری رہے گا۔ اروند کیجریوال کا شکریہ جنہوں نے مجھے میئر بننے کا موقع دیا۔

یہ بھی پڑھیں- Maharashtra: زبردست ریلیوں کے درمیان اسکون مندر پہنچے پی ایم نریندر مودی، عقیدت مندوں کے ساتھ بجایا مجیرا

سی ایم آتشی کا ردعمل

دہلی کی سی ایم آتشی نے بھی عآپ کی اس جیت پر ردعمل ظاہر کیا۔ انہوں نے کہا کہ دلت مخالف بی جے پی نے ایک سازش رچی اور میئر کے انتخابات میں تاخیر کی۔ لیکن ایک بار پھر بابا صاحب کے آئین کی جیت ہوئی ہے۔ انہوں نے کہا، “دہلی کو عام آدمی پارٹی کی بدولت ایک دلت میئر ملا۔ مہیش کمار کھیچی کو میئر بننے پر مبارکباد! مجھے امید ہے کہ ایم سی ڈی میں اروند کیجریوال کی سیاست آپ کی قیادت میں آگے بڑھے گی۔”

اس جیت پر عام آدمی پارٹی نے کہا، “دہلی اسمبلی انتخابات سے پہلے، عام آدمی پارٹی نے ایک بار پھر بی جے پی کو شکست دی۔ عام آدمی پارٹی کے مہیش کمار کھیچی ایم سی ڈی میئر کے انتخابات میں جیت کر دہلی کے نئے میئر منتخب ہوئے ہیں۔” جیت صرف عام آدمی پارٹی کی نہیں بلکہ دہلی کے لوگوں کی ہے۔

-بھارت ایکسپریس