گوپال داس بلڈنگ کے ٹاپ فلورپرلگی آگ
گوپال داس ٹاور کے ٹاپ فلورمیں آگ لگنے کی وجہ سے فائربریگیڈ کو کافی محنت کرنی پڑ رہی ہے۔ فائربریگیڈ کے ملازمین آگ بجھانے کی کوشش میں مصروف ہیں۔ بتایا جار ہا ہے کہ بلڈنگ کے جس گھرمیں آگ لگی ہے، اسے کافی نقصان پہنچا ہے۔ حالانکہ ابھی تک آگ لگنے کی وجہ نہیں معلوم ہوسکی ہے۔ آگ پرقابو پانے کے بعد اس معاملے کی جانچ کی جائے گی۔
آگ لگتے ہی بجنے لگا فائرالارم
میڈیا رپورٹ کے مطابق، کناٹ پلیس کی اس کثیرمنزلہ عمارت کے 11ویں فلورمیں آگ لگی ہے۔ آگ لگتے ہی ٹاور کا فائرالارم بج گیا تھا۔ اس کے بعد سارے سیکورٹی ملازمین اور بلڈنگ کے لوگ محفوظ باہرآگئے ہیں۔ اس حادثہ میں کسی کے جانی نقصان یا جھلسنے کی کوئی خبر سامنے نہیں آئی ہے۔
-بھارت ایکسپریس