Puja Khedkar: دہلی ہائی کورٹ نے برطرف آئی اے ایس ٹرینی پوجا کھیڈکر کی گرفتاری پر لگی روک کو 29 اگست تک بڑھا نے کی دی ہدایت

دہلی ہائی کورٹ نے برطرف ٹرینی آئی اے ایس پوجا کھیڈکر کی گرفتاری پر لگی  روک 29 اگست تک بڑھا دی ہے۔ عدالت 29 اگست کو پوجا کھیڈکر کی پیشگی ضمانت کی درخواست پر بھی سماعت کرے گی۔ کیس کی سماعت کے دوران پوجا کھیڈکر کی طرف سے پیش ہوئے سینئر وکیل سدھارتھ لوتھرا نے کہا کہ یو پی ایس سی کا جواب رات دیر گئے موصول ہوا۔ اسے پڑھنے میں وقت لگے گا۔ اس لیے جواب داخل کرنے کے لیے وقت درکار ہے۔ جس کے بعد عدالت نے وقت دیا ہے۔

پچھلی سماعت میں ہائی کورٹ نے کہا تھا کہ ٹرائل کورٹ نے کھیڈکر کے خلاف الزامات کو اس قدر سنجیدگی سے لیا کہ ضمانت کے پہلو پر صحیح طریقے سے غور نہیں کیا گیا۔ پولس نے پوجا کھیڈکر کے خلاف فرضی سرٹیفکیٹ کے ذریعے سول سروسز کا امتحان دینے کے الزام میں ایف آئی آر درج کی ہے۔ پچھلی سماعت میں دہلی ہائی کورٹ نے پوجا کھیڈکر کی طرف سے دائر ایک اور عرضی کو نمٹا دیا تھا اور کھیڈکر کو مناسب فورم سے رجوع کرنے کی اجازت دی تھی۔

کیس کی سماعت کے دوران، یو پی ایس سی نے دہلی ہائی کورٹ کو بتایا تھا کہ وہ پوجا کھیڈکر کو دو دن کے اندر اپنی امیدواری کو مستقل طور پر منسوخ کرنے کے حکم کے بارے میں مطلع کرے گی۔ پوجا کھیڈکر کے وکیل نے کہا تھا کہ وہ خاص طور پر دو کارروائیوں کی درخواست کر رہی ہیں۔ امیدواری کی منسوخی کا حکم اور منسوخی سے متعلق پریس ریلیز کی منسوخی کا مطالبہ۔

 یو پی ایس سیکی طرف سے پیش ہونے والے ایڈوکیٹ نریش کوشک نے عدالت کو بتایا تھا کہ پریس ریلیز جاری کی گئی کیونکہ پوجا کھیڈکر کا پتہ معلوم نہیں تھا۔ آپ کو بتا دیں کہ پوجا کھیڈکر نے اپنی امیدواری منسوخ کرنے کے یو پی ایس سی کے فیصلے کو ہائی کورٹ میں چیلنج کیا تھا۔ اس عرضی میں جن تنظیموں کی جانب سے پوجا کھیڈکر کو نوٹس جاری کیا گیا تھا، انہیں پوجا کھیڈکر نے فریق بنایا تھا۔

آپ کو بتاتے چلیں کہ پوجا کھیڈکر کو یو پی ایس سی قوانین کی خلاف ورزی کا قصوروار پایا گیا تھا۔ جس کے بعد ان کا انتخاب منسوخ کر دیا گیا۔ یہی نہیں، پوجا کھیڈکر کی والدہ کے خلاف بھی مقدمہ درج کیا گیا ہے۔ کسان کو دھمکی دینے پر اس کی ماں کو گرفتار کر لیا گیا ہے۔ قبل ازیں، پوجا کھیڈکر کی پیشگی ضمانت کو پٹیالہ ہاؤس کورٹ نے مسترد کر دیا تھا اور عدالت نے یو پی ایس سی سے تحقیقات کا دائرہ بڑھانے کو کہا تھا۔

بھارت ایکسپریس۔