کشمیری مسلمانوں کے ساتھ نہیں ہونی چاہئے نا انصافی، دہلی حج کمیٹی کی چیئرپرسن کوثرجہاں نے کہا- پاکستان کو گھرمیں گھس کرمارے گا نیا بھارت: دیکھیں ویڈیو

پہلگام دہشت گردانہ حملے سے متعلق دہلی حج کمیٹی کی چیئرپرسن کوثرجہاں نے کہا کہ یہ بہت افسوسناک اوردہل کا دہلا دینے والا گھناؤنا عمل تھا، میں اس پرشرمندہ ہوں۔ انہوں نے کہا کہ اس کی جتنی بھی مذمت کی جائے، وہ کم ہے۔ بھارت ایکسپریس نیوزنیٹ ورک سے خصوصی بات چیت میں کوثرجہاں نے کہا کہ ہندوستان امن وامان چاہتا ہے، لیکن پاکستان دہشت گردی پرآمادہ ہے۔ اس بارپاکستان کواس کی بڑی قیمت چکانی پڑے گی۔

کوثرجہاں نے کشمیری مسلمانوں کے ساتھ پیش آنے والے واقعات پرکہا کہ ایسا بالکل بھی نہیں ہونا چاہئے، جولوگ اپنے ملک میں اس طرح کی حرکتیں کررہے ہیں، ان کوبھی غلط کام نہیں کرنا چاہئے۔ انہوں نے کہا کہ اسلام میں تشدد کے لئے کوئی جگہ نہیں ہے، لیکن جولوگ اسلام کی غلط تصویرپیش کرکے عوام کوگمراہ کرتے ہیں، ان کومنہ توڑجواب دیا جائے گا۔ انہوں نے کہا کہ یہ نیا بھارت ہے اور نیا بھارت گھرمیں گھس کرمارتا ہے۔

بھارت ایکسپریس اردو۔