Delhi Teej Festival 2026: دہلی کی وزیر اعلیٰ ریکھا گپتا نے آئی این اے دہلی ہاٹ میں منایا تیج فیسٹیول، دستکاروں کا بڑھایا حوصلہ

نئی دہلی : تیج ہندوستانی سناتن ثقافت اور روایات سے جڑا ایسا تہوار ہے، جس میں خوشی کے ساتھ اپنائیت اور بھائی چارے کا جذبہ بھی نمایاں ہوتا ہے۔ اسی روایتی رنگ اور جوش و خروش کے درمیان دہلی کی وزیرِ اعلیٰ ریکھا گپتا نے اتوار کو آئی این اے کے دہلی ہاٹ میں منعقدہ ’ تیج فیسٹیول 2026‘ میں شرکت کی اور بڑی تعداد میں موجود خواتین کے ساتھ تہوار کی خوشیاں بانٹیں۔

تیج فیسٹیول میں نظر آیا روایتی رنگ

تیج فیسٹیول کے دوران خواتین میں زبردست جوش و خروش دیکھنے کو ملا۔ مہندی، لوک گیتوں اور روایتی رنگوں نے پورے پروگرام کو خاص بنا دیا۔ دہلی ہاٹ کا پورا احاطہ ہندوستانی روایات، لوک ثقافت اور تہذیبی اقدار کے رنگ میں رنگا نظر آیا۔وزیرِ اعلیٰ ریکھا گپتا نے بھی خواتین کے ساتھ تہوار میں شرکت کی اور تیج کی خوشیاں بانٹیں۔ انہوں نے کہا کہ تیج جیسے تہوار ہماری ثقافت کی خوبصورتی اور روایات کی زندہ مثال پیش کرتے ہیں۔ ایسے پروگرام نئی نسل کو اپنی ثقافتی وراثت سے
جوڑنے میں اہم کردار ادا کرتے ہیں۔

सावन की हरियाली, शिव-पार्वती का पावन प्रेम, बहनों के हाथों में सजी मेहंदी और लोकगीतों की मिठास, यही तो हमारी तीज है, यही हमारी सनातन संस्कृति की सुंदरता है।

आज दिल्ली हाट, आईएनए में ‘तीज महोत्सव 2026’ में अपनी बहनों के साथ इस आनंद को साझा किया। पूरा परिसर हमारी परंपराओं और… pic.twitter.com/ckedm6OBjd

— Rekha Gupta (@gupta_rekha) August 8, 2026

وکاس بھی، وراثت بھیکے عزم پر زور

وزیرِ اعلیٰ ریکھا گپتا نے کہا کہ وزیر اعظم نریندر مودی کے ’وکاس بھی، وراثت بھی‘ کے عزم کے مطابق دہلی حکومت دارالحکومت کی ترقی کے ساتھ ساتھ اس کی مالا مال ثقافت اور روایات کو بھی آگے بڑھانے کے لیے پرعزم ہے۔انہوں نے کہا کہ دہلی کی تیز رفتار ترقی کے ساتھ اس کی ثقافتی شناخت اور روایتی ورثے کا تحفظ بھی ضروری ہے۔ تیج فیسٹیول جیسے پروگرام اسی سوچ کو مضبوط کرتے ہیں اور لوگوں کو اپنی جڑوں اور روایات سے جوڑنے کا کام کرتے ہیں۔

بڑی تعداد میں خواتین نے کی شرکت

تیج فیسٹیول 2026‘ میں کابینی وزیر کپل مشرا، رکن اسمبلی شکھا رائے سمیت بڑی تعداد میں خواتین اور دیگر افراد موجود رہے۔ پروگرام کے دوران روایتی جوش و خروش اور ثقافتی رنگ نمایاں رہا۔دہلی ہاٹ میں منعقد اس پروگرام نے ساون اور تیج کے روایتی ماحول کو بھرپور انداز میں زندہ کردیا۔ خواتین نے جوش و خروش کے ساتھ مختلف سرگرمیوں میں حصہ لیا اور لوک ثقافت سے جڑے رنگوں کے درمیان تہوار کی خوشیاں منائیں۔

دستکاروں کی حوصلہ افزائی

تیج فیسٹیول نے جہاں ہندوستانی تہذیب اور روایات کو اجاگر کیا، وہیں مقامی دستکاروں اور ہنرمندوں کے لیے بھی ایک اہم پلیٹ فارم فراہم کیا۔ دہلی ہاٹ میں دستکاری اور روایتی مصنوعات سے وابستہ کاریگروں کی موجودگی نے پروگرام کو مزید خاص بنا دیا۔ وزیرِ اعلیٰ نے ان کے کام کی حوصلہ افزائی کرتے ہوئے روایتی ہنر اور مقامی دستکاری کو فروغ دینے کی اہمیت پر زور دیا۔یہ پروگرام نہ صرف تیج کے تہوار کی خوشیوں کا مظہر بنا، بلکہ ہندوستانی ثقافت، لوک روایت، خواتین کی شرکت اور روایتی ہنر کو فروغ دینے کی کوشش کے طور پر بھی سامنے آیا۔

بھارت ایکسپریس اردو