Delhi Assembly Chaos AAP vs BJP Clash: دہلی اسمبلی میں زبردست ہنگامہ، اسپیکر نے سابق وزیر اعلیٰ آتشی کو ایوان سے نکالا

نئی دہلی: فیس ریگولیشن بل پربدھ کے روزدہلی اسمبلی میں کافی ہنگامہ ہوا۔ ایوان میں وزیراعظم کے خلاف شدید نعرے بازی کی گئی۔ سابق وزیراعلیٰ آتشی کواسپیکرکے حکم پرایوان سے ہٹا دیا گیا۔ اس کے ساتھ ہی عام آدی پارٹی کے اراکین اسمبلی پریم چوہان، کلدیپ اورجرنیل کومارشل آؤٹ کردیا گیا۔ اسمبلی سے ہٹائے جانے کے بعد آتشی نے کہا کہ ہمیں اس بات پراعتراض ہے کہ اسمبلی میں بہت اہم مسائل پربحث ہونی ہے۔

آتشی نے کہا کہ میں نے خود امن وامان پربحث کا مطالبہ کیا، ہماری قانون سازپارٹی نے کچی آبادیوں کومسمارکرنے، 10 سال پرانی گاڑیاں ہٹانے پربحث کا مطالبہ کیا، لیکن اسمبلی میں ایک ایسا مسئلہ زیربحث ہے جواس معاملے پربات کرنے کا اہل بھی نہیں۔ انہوں نے کہا کہ کوئی مورخ (تاریخ داں) نہیں ہے۔ دہلی کے مسائل پربات نہیں ہو رہی ہے اوراگرہم اسے اٹھاتے ہیں توہمیں باہرپھینک دیا جاتا ہے۔ پھانسی گھرپرایک کمیٹی بنائیں۔

عام آدمی پارٹی نے فیس ریگولیشن بل کی مخالفت کی

سابق وزیراعلیٰ آتشی نے سوال کیا کہ کیا انگریزکہیں گے کہ ہم ظالم ہیں؟ انگریزوں نے ایک خفیہ جگہ بنائی، جہاں وہ لوگوں کولٹکایا کرتے تھے۔ انگریزنہ صرف جیلوں میں بلکہ خفیہ جگہوں پرلوگوں کو پھانسی دیتے تھے۔ آج بی جے پی انگریزوں کوبچانا چاہتی ہے۔ انہوں نے کہا کہ دہلی حکومت کی موجودہ اسکول فیس بل پرائیویٹ اسکول مالکان کے فائدے کے لئے بنایا گیا ہے۔ عام آدمی پارٹی اس میں عوام کے مفاد میں بڑے ترامیم کا مطالبہ کرتی ہے تاکہ تعلیم کے نام پرلوٹ بند ہوسکے۔

کپل مشرا نے عام آدمی پارٹی پربولا حملہ