Cricketer Rinku Singh: وزیر اعظم مودی سے ملے کرکٹر رنکو سنگھ، شادی کا دیا دعوت نامہ، ایس پی رکن پارلیمنٹ پریا سروج کے ساتھ لیں گے سات پھیرے

یوپی کے وزیر اعلیٰ یوگی آدتیہ ناتھ کو بھی دیا دعوت نامہ

رنکو سنگھ اور مچھلی شہر سے سماج وادی پارٹی کی رکن پارلیمنٹ پریا سروج 4 دسمبر کو شادی کرنے جا رہے ہیں۔ دونوں خاندانوں میں شادی کی تیاریاں جاری ہیں۔ اس سے پہلے رنکو سنگھ کا خاندان اتر پردیش کے وزیر اعلیٰ یوگی آدتیہ ناتھ سے بھی ملاقات کر چکا ہے اور انہیں شادی میں شرکت کی دعوت دے چکا ہے۔

رنکو سنگھ اور پریا سروج کی منگنی 8 جون 2025 کو لکھنؤ کے ’دی سینٹرم ہوٹل‘ میں ہوئی تھی۔ اس تقریب میں کرکٹ اور سیاست کی دنیا کی کئی معروف شخصیات نے شرکت کی تھی۔ دونوں کی شادی کافی عرصے سے موضوعِ بحث بنی ہوئی تھی، لیکن کرکٹ سے متعلق مصروفیات کے باعث شادی کی تاریخ بار بار آگے بڑھانی پڑی۔ اب یہ جوڑا بالآخر 4 دسمبر کو شادی کے بندھن میں بندھنے جا رہا ہے۔

مچھلی شہر سے ایس پی کی رکن پارلیمنٹ ہیں پریا سروج

پریا سروج سماج وادی پارٹی کی رکن پارلیمنٹ ہیں اور اتر پردیش کے مچھلی شہر پارلیمانی حلقے کی نمائندگی کرتی ہیں۔ 2024 کے لوک سبھا انتخابات میں کامیابی حاصل کرنے کے بعد وہ پہلی مرتبہ پارلیمنٹ پہنچی تھیں۔ دوسری جانب رنکو سنگھ ہندوستانی کرکٹ ٹیم کے اہم بلے بازوں میں شمار ہوتے ہیں اور آئی پی ایل میں کولکاتا نائٹ رائیڈرز کی جانب سے کھیلتے ہیں۔

بھارت ایکسپریس اردو۔