Gaurav Gogoi: کانگریس نے اس رہنما کو بنایا لوک سبھا میں ڈپٹی لیڈر، اسپیکر کا انتخاب لڑنے والے کے سریش کو بھی ملی بڑی ذمہ داری

Gaurav Gogoi: لوک سبھا میں کانگریس کی نئی ٹیم کا اعلان کر دیا گیا ہے۔ گورو گوگوئی کو لوک سبھا میں کانگریس کا ڈپٹی لیڈر بنایا گیا ہے۔ راہل گاندھی لوک سبھا میں کانگریس پارٹی کے لیڈر ہیں۔ گورو گوگوئی پچھلی لوک سبھا میں بھی کانگریس پارٹی کے ڈپٹی لیڈر تھے۔ اس کے علاوہ کے سریش کو چیف وہپ اور منیکم ٹیگور، محمد جاوید کو وہپ بنایا گیا تھا۔ کانگریس پارلیمانی پارٹی کی سربراہ سونیا گاندھی نے نئی تقرریوں کے بارے میں لوک سبھا اسپیکر کو مطلع کیا۔

جانئے کون ہے گورو گوگوئی؟

گورو گوگوئی آسام کے سابق وزیر اعلی ترون گوگوئی کے بیٹے ہیں۔ اس سے قبل وہ 2020 سے لوک سبھا میں انڈین نیشنل کانگریس کے ڈپٹی لیڈر کے عہدے پر فائز تھے۔ اس بار جورہاٹ سیٹ سے کانگریس کے گورو گوگوئی نے بی جے پی کے تپن کمار گوگوئی کو 144393 ووٹوں سے شکست دے کر کامیابی حاصل کی تھی۔ وہیں اگر ہم کے سریش کی بات کریں تو انہیں 18ویں لوک سبھا میں اسپیکر کے عہدے کا امیدوار بنایا گیا تھا۔ وہ مانےلکارا، کیرلہ سے کانگریس کے لوک سبھا رکن ہیں۔ وہ آٹھویں بار جیت کر ایوان میں آئے ہیں۔ فی الحال وہ سب سے طویل عرصے تک لوک سبھا کے رکن ہیں۔

یہ بھی پڑھیں- Rahul Gandhi On By-Election 2024: ’بی جے پی کے غرور اور خوف کا بھرم چکنا چور ہو چکا ہے،ہر کوئی آمریت کے خاتمہ کا ہے طلب گار ،ضمنی انتخابات کے نتائج پر راہل گاندھی کا رد عمل

منیکم ٹیگور اور محمد جاوید کا تعارف

منیکم ٹیگور ویردھونگر سیٹ سے کانگریس پارٹی کے ایم پی ہیں۔ وہ پہلی بار سال 2009 میں 15ویں لوک سبھا کے لیے منتخب ہوئے تھے۔ اس کے بعد انہوں نے 2019 کے لوک سبھا انتخابات میں بھی کامیابی حاصل کی۔ اس بار محمد جاوید نے بہار کی کشن گنج لوک سبھا سیٹ سے لوک سبھا الیکشن جیتا تھا۔ انہوں نے جے ڈی یو کے مجاہد عالم کو شکست دی۔ انہوں نے 2019 کے لوک سبھا انتخابات میں بھی کشن گنج سے کامیابی حاصل کی تھی۔ ڈاکٹر جاوید کے والد جو کہ پیشے سے ڈاکٹر ہیں، کشن گنج کے ایم ایل اے بھی تھے۔

-بھارت ایکسپریس