کانگریس نے لوک سبھا انتخابات میں امیدواروں کے انتخاب کے لیے دیں پانچ اسکریننگ کمیٹیاں تشکیل
Lok Sabha Election 2024: کانگریس نے جمعہ کو لوک سبھا انتخابات کے لیے امیدواروں کے انتخاب کے لیے پانچ اسکریننگ کمیٹیاں تشکیل دیں۔لوک سبھا انتخابات اپریل-مئی میں ہونے والے ہیں۔پارٹی نے تمام ریاستوں اور مرکز کے زیر انتظام علاقوں کو پانچ گروپوں میں تقسیم کیا ہے۔ پارٹی کے ایک بیان کے مطابق کانگریس صدر ملکارجن کھڑگے نے ایک اسکریننگ کمیٹی تشکیل دی ہے۔ پہلے گروپ میں تلنگانہ، کرناٹک، تمل ناڈو، کیرلہ، لکشدیپ اور پڈوچیری شامل ہیں۔ ہریش چودھری کو اس اسکریننگ کمیٹی کا چیئرمین مقرر کیا گیا ہے، جب کہ جگنیش میوانی اور وشواجیت کدم کو رکن مقرر کیا گیا ہے۔
مدھوسودن مستری کو آندھرا پردیش، مہاراشٹر، گوا، اڈیشہ، انڈمان اور نکوبار جزائر کے لیے کمیٹی کا سربراہ مقرر کیا گیا ہے۔ سورج ہیگڑے اور شفیع پرمبیل اس کے رکن ہیں۔ رجنی پاٹل کو گجرات، مدھیہ پردیش، چھتیس گڑھ، راجستھان، دہلی، دمن اور دیو اور دادرا اور نگر حویلی کے لیے اسکریننگ کمیٹی کا چیئرمین مقرر کیا گیا ہے، جب کہ کرشنا الاؤورو اور پرگٹ سنگھ اس کے رکن ہیں۔
بھکتا چرن داس کو اتر پردیش، اتراکھنڈ، ہریانہ، ہماچل پردیش، چنڈی گڑھ، پنجاب، جموں و کشمیر اور لداخ پر مشتمل گروپ کی اسکریننگ کمیٹی کا چیئرمین مقرر کیا گیا ہے۔ اس میں نیرج ڈانگی اور یشومتی ٹھاکر کو رکن بنایا گیا ہے۔ پنجاب سے پارٹی لیڈر رانا کے پی سنگھ کو بہار، جھارکھنڈ، مغربی بنگال، آسام، اروناچل پردیش، منی پور، میزورم، میگھالیہ، ناگالینڈ، تریپورہ، سکم پر مشتمل گروپ کی اسکریننگ کمیٹی کا چیئرمین مقرر کیا گیا ہے۔ جے وردھن سنگھ اور ایوان ڈیسوزا کو رکن مقرر کیا گیا ہے۔
-بھارت ایکسپریس
وزیر خارجہ ایس۔ جے شنکر کا بیان سامنے آیا ہے۔ انہوں نے اتوار (07 جولائی)…
بہار میں گزشتہ 24 گھنٹوں میں آسمانی بجلی نے تباہی مچا دی ہے۔ ریاست میں…
اس ملک میں مرنے کے خواہش مند شخص کے لیے یہ شرط بھی عائد کر…
پروفیسر انیس الرحمن نے کہا کہ جوش کئی معنوں میں اہم شاعر ہیں،زبان کی سطح…
بھارت نے ٹاس جیت کر پہلے بیٹنگ کرتے ہوئے اسکور بورڈ پر 234 رنز بنائے۔…
وزیر اعلی چندرا بابو نائیڈو نے متاثرین کو مناسب معاوضہ ملنے کو یقینی بنانے کی…