قومی

Nandigram by-election: نندی گرام ضمنی انتخاب، کانگریس امیدوار ملن پردھان 3 اکتوبر تک بھیجے گئے جیل، نہیں چلا سکیں گے انتخابی مہم؟

نندی گرام ضمنی انتخاب میں کانگریس امیدوار ملن پردھان کو جمعہ کے روز گرفتار کیا گیا تھا۔ اب انہیں 3 اکتوبر تک عدالتی حراست میں بھیج دیا گیا ہے۔ ایسے میں ان کے لیے انتخابی مہم میں براہِ راست حصہ لینے کو لے کر سوالات اٹھ رہے ہیں، کیونکہ 4 اکتوبر انتخابی مہم کا آخری دن مقرر ہے۔ اس سے قبل ممتا بنرجی خیمے کی امیدوار سنچیتا پردھان ڈے نے وزیراعلیٰ شوبھندو ادھیکاری سے ملاقات کے بعد اپنا نامزدگی واپس لے لیا تھا۔ اس کے بعد ممتا بنرجی نے کانگریس امیدوار ملن پردھان کی حمایت کا اعلان کیا۔

پرانے مقدمات میں ہوئی گرفتاری

پولیس کے مطابق ملن پردھان کو پرانے مقدمات کے سلسلے میں گرفتار کیا گیا ہے۔ ان کے خلاف چار گرفتاری وارنٹ جاری کیے گئے تھے، جن میں تین قتل کے مقدمات اور ایک آرمز ایکٹ سے متعلق مقدمہ شامل ہے۔ آسام کے وزیراعلیٰ ہمنتا بسوا سرما نے کانگریس کے نندی گرام امیدوار ملن پردھان کے خلاف سخت کارروائی کا مطالبہ کیا۔ انہوں نے کہا کہ ملن پردھان قتل کے مقدمات میں ملزم ہیں اور 2007 میں ان کے خلاف قتل کے دو یا تین مقدمات درج کیے گئے تھے۔ ہمنتا بسوا سرما نے کہا کہ جب بھی وہ پولیس کے سامنے آئیں گے، قانون کے مطابق ان کی گرفتاری عمل میں آنی چاہیے۔

راہل گاندھی نے گرفتاری پر سوال اٹھائے

کانگریس لیڈر راہل گاندھی نے ملن پردھان کی گرفتاری پر بی جے پی کو تنقید کا نشانہ بنایا۔ انہوں نے سوشل میڈیا پلیٹ فارم ’ایکس‘ پر الزام عائد کیا کہ یہ گرفتاری کوئی اتفاق نہیں بلکہ سیاسی انتقام ہے اور اسے جمہوریت کا قتل قرار دیا۔ راہل گاندھی نے کہا کہ بی جے پی کو منصفانہ انتخابات پر اعتماد نہیں ہے۔ ان کے مطابق پارٹی کبھی ووٹ چوری، کبھی حکومت چوری اور کبھی پارٹی چوری کے ذریعے اقتدار برقرار رکھنے کی کوشش کرتی ہے۔ انہوں نے کہا کہ بی جے پی انتخاب لڑنے کے بجائے انتخابی مقابلہ ختم کرنا چاہتی ہے۔ راہل گاندھی نے مزید کہا کہ کانگریس نہ ڈرے گی اور نہ جھکے گی، بلکہ انتخاب لڑے گی۔

سنچیتا پردھان نے نامزدگی واپس لی

ممتا بنرجی خیمے کی جانب سے امیدوار بنائی گئی سنچیتا پردھان ڈے جمعہ کو اپنے شوہر کے ساتھ ریاستی سکریٹریٹ نَبَنّا پہنچیں، جہاں انہوں نے وزیراعلیٰ شوبھندو ادھیکاری سے ملاقات کی۔ اس کے بعد انہوں نے ضمنی انتخاب سے اپنی نامزدگی واپس لے لی۔ نامزدگی واپس لینے کی آخری تاریخ 19 ستمبر تھی۔ اس کے بعد ممتا بنرجی نے کانگریس امیدوار ملن پردھان کی حمایت کا اعلان کیا۔

بھارت ایکسپریس اردو۔

Abdul Awwal

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

4 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

6 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

6 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

6 hours ago