قومی

CM Yogi Listened To The Shiv Mahapuran Katha: رائے بریلی میں وزیر اعلیٰ یوگی آدتیہ ناتھ نے پنڈت پردیپ مشرا سے سنی شیو مہاپوران کتھا

اونچاہار (رائے بریلی): رائے بریلی کے اونچاہار میں منعقد شری شیو مہاپوران کتھا میں اتوار کو عقیدت، آستھا اور سناتن چیتنا کا منظر دیکھنے کو ملا۔ کتھا کے مرکزی اسٹیج پر اتر پردیش کے وزیر اعلیٰ یوگی آدتیہ ناتھ پہنچے اور کتھا ویا س پنڈت پردیپ مشرا کی آواز میں شیو مہاپوران کتھا سنی۔ سامعین سے خطاب کرتے ہوئے وزیر اعلیٰ یوگی آدتیہ ناتھ نے کہا کہ غیر ملکی حملہ آوروں نے صدیوں تک بھارت کی ثقافت، تہذیب اور مذہبی مراکز کو تباہ اور کمزور کرنے کی ہر ممکن کوشش کی، لیکن وہ بھارت کے اٹوٹ عقیدے کو کبھی شکست نہیں دے سکے۔ انہوں نے کہا، ’’جب تک معاشرے میں ایسی کتھاؤں اور ست سنگ کی دھارا بہتی رہے گی، تب تک سناتن کی دھوج پتاکا کبھی جھکنے نہیں پائے گی۔‘‘

کابینی وزیر منوج پانڈے کی بھرپور تعریف

وزیر اعلیٰ یوگی آدتیہ ناتھ نے کتھا کے منتظم اور خوراک و رسد کے کابینی وزیر منوج کمار پانڈے کے عزم، عقیدت اور لگن کی بھرپور تعریف کی۔ وزیر اعلیٰ نے اس عظیم الشان انعقاد کے لیے وزیر منوج پانڈے کا دل سے شکریہ ادا کرتے ہوئے کہا کہ ایسے مذہبی انعقاد نئی نسل کو اپنی جڑوں، اقدار اور سناتن ثقافت سے جوڑے رکھنے میں سنگ میل ثابت ہوتے ہیں۔ وزیر اعلیٰ کافی دیر تک اسٹیج پر موجود رہے اور وزیر منوج پانڈے سے پُرخلوص گفتگو کرتے بھی نظر آئے۔ اس سے سیاسی حلقوں میں بھی ان کے بڑھتے اثر و رسوخ کے حوالے سے پیغام گیا۔

3 لاکھ افراد کی گنجائش والا پنڈال بھی پڑ گیا چھوٹا

کتھا کے دوران عقیدت مندوں کا ایسا سیلاب امڈ پڑا کہ گزشتہ تمام ریکارڈ پیچھے رہ گئے۔ 3 لاکھ سے زیادہ افراد کی گنجائش والا پنڈال بھی کم پڑ گیا اور بڑی تعداد میں عقیدت مند پنڈال کے باہر کھڑے ہوکر کتھا سنتے نظر آئے۔ کتھا ویا س پنڈت پردیپ مشرا نے کہا کہ شیو بھکتی انسان کے اندر خدمت، یقین اور ضبط نفس کی خصوصیات پیدا کرتی ہے۔

اہم شخصیات کی باوقار شرکت

اس مذہبی انعقاد میں مرکزی وزیر بی ایل ورما، کابینی وزیر راکیش سچان، ہائی کورٹ کے جسٹس رام منوہر نارائن مشرا، جسٹس پدم نارائن مشرا، بی جے پی ریاستی نائب صدر پرینکا راوت، قانون ساز کونسل کے رکن امیش دویدی، وزیر اعلیٰ کے مشیر اویناش اوستھی، رکن اسمبلی اشوک کمار، رکن اسمبلی سریندر چودھری سمیت انتظامیہ کے افسران اور بڑی تعداد میں معزز شخصیات موجود رہیں۔

بھارت ایکسپریس اردو۔

Abul Kalam

Recent Posts

National Press Day: آزادیٔ اظہار کے ساتھ ذمہ داری بھی ضروری، صحافی تکنیکی تبدیلیوں کو اپنائیں: اشونی ویشنو

مرکزی وزیر اطلاعات و نشریات اشونی ویشنو نے جمہوریت کو مضبوط بنانے میں میڈیا کے…

3 hours ago

Adani Green Energy On Tarali Project: تارالی پمپ اسٹوریج پروجیکٹ پر اڈانی گرین انرجی نے واضح کی صورت حال، بتایا کب ملی کون سی منظوری

اڈانی گرین انرجی لمیٹڈ نے کہا ہے کہ تارالی پمپ اسٹوریج پروجیکٹ میں نہ تو…

3 hours ago

8th Pay Commission: کیا ریٹائرڈ ملازمین کو بھی ملے گا بقایا جات کا فائدہ؟ پنشنروں نے وزیر اعظم مودی کو خط لکھ کر کیا مطالبہ

آٹھویں پے کمیشن کے تحت یکم جنوری 2026 سے پہلے ریٹائر ہونے والے پنشنروں اور…

4 hours ago