پارلیمنٹ بلڈنگ کے قریب پہنچے کارکروچ جنتا پارٹی کے مظاہرین، پولیس نے داغے آنسو گیس کے گولے، امت شاہ سے ملاقات کرنے پہنچے دھرمیندر پردھان

اس سے پہلے پولیس نے مظاہرین پرلاٹھی چارج کیا تھا، جب وہ جنترمنترسے پارلیمنٹ کی طرف آگے بڑھ رہے تھے۔ دراصل، پارلیمنٹ کے مانسون سیشن اورسی جے پی کے پارلیمنٹ مارچ کودیکھتے ہوئے دہلی پولیس نے دارالحکومت دہلی میں پہلے سے ہی سیکورٹی انتظامات سخت کردیئے تھے۔ نئی دہلی میں بی این ایس ایس کی دفعہ 163 نافذ کردی گئی تھی۔ سی جے پی کے احتجاج میں شامل ہونے کے لئے کئی پارٹیوں کے لیڈران پہنچے تھے۔

#WATCH | Delhi | Protesters gathered for CJP’s protest march clash with RPF personnel at Jantar Mantar; RPF personnel & police use lathis for crowd control pic.twitter.com/gijaCjJksW

— ANI (@ANI) July 20, 2026

عام آدمی پارٹی کے منیش سسودیا، سنجے سنگھ، آزاد سماج پارٹی کے سربراہ اوریوپی کے نگینہ سے رکن پارلیمنٹ چندرشیکھربھی پہنچے تھے۔ اس کے علاوہ اداکارپرکاش راج، سونم وانگچک کی اہلیہ گیتانجلی بھی پہنچی تھیں۔ سی جے پی نے 20 جولائی کوپارلیمنٹ تک مارچ کرنے کی تجویزرکھی تھی۔ حالانکہ اس سے دودن پہلے ہی پولیس نے سونم وانگچک کواسپتال میں داخل کرا دیا تھا، لیکن سی جے پی کارکنان کے حوصلے پست نہیں ہوئے اورانہوں نے آج  پارلیمنٹ کی طرف کوچ کیا۔

نوجوانوں کے ساتھ نا انصافی ہو رہی ہے: چندرشیکھرآزاد

آزاد سماج پارٹی کانشی رام کے سربراہ اورنگینہ کے رکن پارلیمنٹ چندرشیکھرآزاد نے کہا کہ حکومت اپنا ’دھرم‘ نبھا رہی ہے، پولیس اپنا ’دھرم‘ نبھا رہی ہے اورمیں اس مٹی کے تئیں اپنا فرض نبھانے کے لئے اس جدوجہد (سنگھرش) کا حصہ بنا ہوں۔ ایک ہندوستانی نوجوان ہونے کے ناطے، میں نوجوانوں کا درد سمجھتا ہوں۔ میں ان کی آوازبننے اوران کے ساتھ کھڑے ہونے کے لئے یہاں آیا ہوں۔ ان کے ساتھ نا انصافی ہورہی ہے۔ حکومت ایسا ہونے دے رہی ہے۔

پٹیل چوک سمیت ان اسٹیشنوں پرانٹری-ایگزٹ بند

کاکروچ جنتا پارٹی کے احتجاجی مارچ کودیکھتے ہوئے دہلی میٹروریل کارپوریشن نے پانچ میٹرواسٹیشن (راجیو چوک، جن پتھ، پٹیل چوک، سینٹرل سکریٹریٹ اورسیوا تیرتھ) کی انٹری ایگزٹ غیرمستقل طورپر بند کردی تھی۔ واضح رہے کہ کاکروچ جنتا پارٹی کے بانی ابھیجیت دیپکے نے یہ مارچ (جنترمنتر سے پارلیمنٹ تک) بلایا تھا۔ دہلی پولیس نے اس کی اجازت نہیں دی تھی، پھربھی بڑی تعداد میں ان کے حامی جنترمنتر پرجمع ہوئے تھے۔ کئی اپوزیشن لیڈربھی وہاں پہنچے تھے۔ مارچ کے دوران جنترمنتر پربھاری بھیڑ تھی۔ کاکروچ جنتا پارٹی کا یہ احتجاج پیپر لیک اورنوجوان بے روزگاری کے موضوع پرہو رہا ہے۔ سی جے پی نے مرکزی وزیرتعلیم دھرمیندر پردھان سے استعفیٰ کا مطالبہ کیا ہے۔ مظاہرین کا کہنا ہے کہ بڑے پیمانے پرپیپرلیک ہو رہا ہے۔ طلبا خودکشی کررہے ہیں، مگراس کی جوابدہی کوئی نہیں لے رہا ہے۔

بھارت ایکسپریس اردو-