چیف جسٹس بی آرگوئی کی ماں اوربہن نے حملے کی مخالفت کی، کہا- یہ زہریلا نظریہ، بدامنی پھیلانے کا اختیارکسی کونہیں

چیف جسٹس بی آرگوئی پرحملے کی سخت مذمت کرتے ہوئے بہن کیرتی گوئی نے کہا، ”کل کا حادثہ ملک کوشرمسارکرنے والا اورقابل مذمت حادثہ ہے۔ یہ صرف ذاتی حملہ نہیں، بلکہ ایک زہریلا نظریہ ہے، جسے روکنا ہی ہوگا۔ غیرآئینی عمل کرنے والوں پرکارروائی ہونی چاہئے۔ انہوں نے مزید کہا، ہمیں آئین کے سطح پرپرامن طریقے سے ہی مخالفت درج کرنی چاہئے تاکہ بابا صاحب کے خیالات کوکوئی آنچ نہ آئے۔“

دوسری جانب، بارکونسل آف انڈیا (بی سی آئی) نے چیف جسٹس بی آرگوئی کی طرف مبینہ جوتا پھینکنے کی کوشش کرنے کے ملزم وکیل راکیش کشورکوکل پیرکے روزہی فوری اثرسے معطل کردیا۔ عدالتی کارروائی کے دوران پیش آئے اس شرمناک حادثہ سے چیف جسٹس حیران رہ گئے اورانہوں نے عدالت کے افسران اورکورٹ روم میں موجود سیکورٹی اہلکاروں سے اسے نظراندازکرنے اورراکیش کشورنامی قصورواروکیل کووارننگ دے کرچھوڑدینے کوکہا۔

وزیراعظم مودی سمیت کئی لیڈران نے حملے کی مذمت کی

حالانکہ اس حملے کی ہرطرف مذمت کی جارہی ہے۔ وزیراعظم نریندر مودی سمیت ملک کے کئی بڑے لیڈران نے بھی مذمت کی ہے۔ وزیر اعظم مودی نے چیف جسٹس سے بات کرکے ایک وکیل کی طرف سے ان پرجوتا پھینکنے کی کوشش کی مذمت کی اورکہا کہ اس حملے سے ہرہندوستانی ناراض ہے۔ انہوں نے کہا کہ ہمارے سماج میں اس طرح کے قابل مذمت فرائض کے لئے کوئی جگہ نہیں ہے۔ ساتھ ہی وزیراعظم مودی نے حادثہ کے بعد امن بنائے رکھنے کے لئے چیف جسٹس کی جم کرتعریف بھی کی۔ بہوجن سماج پارٹی کی سربراہ مایاوتی نے بھی مذمت کرتے ہوئے کہا کہ چیف جسٹس بی آرگوئی پرحملہ شرمناک ہے اوراس کی جتنی مذمت کی جائے کم ہے۔