نوح تشدد کا کلیدی ملزم بٹو بجرنگی فریدآباد این آئی ٹی سے آزاد امیدوار کے طور پر الیکشن لڑ رہا ہے۔
نوح تشدد کا کلیدی ملزم بٹوبجرنگی ہریانہ کے اسمبلی الیکشن میں قسمت آزما رہا ہے۔ اس نے فریدآباد این آئی ٹی سے پرچہ نامزدگی داخل کی ہے۔ گئورکشک بٹوبجرنگی آزاد امیدوارکے طورپرالیکشن لڑ رہا ہے۔ بٹوبجرنگی کا تنازعہ سے پرانا رشتہ رہا ہے۔ بٹوبجرنگی نوح تشدد کے معاملے میں کلیدی ملزم ہے۔ ہریانہ کے نوح میں گزشتہ سال جولائی میں تشدد ہوا تھا، جس میں کئی لوگوں کی جان چلی گئی تھی اوربڑی تعداد میں لوگوں کو نقصان ہوا تھا۔
بٹو بجرنگی ہریانہ کی جس سیٹ سے الیکشن لڑ رہا ہے وہاں سے کانگریس نے موجودہ رکن اسمبلی نیرج شرما کو ٹکٹ دیا ہے۔ نیرج شرما کے والد پنڈت شیوچرن لال شرما بھی اس سیٹ سے 2009 میں آزاد رکن اسمبلی منتخب ہوئے تھے اوربعد میں بھوپیندرسنگھ ہڈا کی حکومت میں وزیرمحنت اورروزگارکے طورپربھی خدمات انجام دیں۔ پنڈت شیوچرن کی موت کے بعد فیملی نے سیاست کی وراثت نیرج شرما کوسونپی۔ وہ 2019 میں کانگریس کے ٹکٹ پربی جے پی کے ناگیندربھڑانا کوہراکررکن اسمبلی بنے تھے۔
309068 رائے دہندگان منتخب کریں گے اپنا نمائندہ
این آئی ٹی فرید آباد میں اس بار کل 309068 رائے دہندگان اپنا رکن اسمبلی منتخب کریں گے۔ کل رائے دہندگان میں اس بار مرد رائے دہندگان 171279 ہیں اور 137468 خاتون ووٹرس ہیں۔ اس سیٹ پر 2014 کے اسمبلی الیکشن میں انڈین نیشنل لوک دل کے ناگیندربھڑانا نے 45,740 ووٹوں سے جیت حاصل کی تھی۔ دوسرے مقام پرآئی این ڈی پارٹی کے پنڈت شیوچرن لال شرما رہے۔ جیت کا فرق 2,914 ووٹوں کا تھا۔
بٹوبجرنگی ہے نوح تشدد کا کلیدی ملزم
نوح تشدد کے ملزم بٹوبجرنگی عرف راج کمارکوگزشتہ سال 30 اگست کوضمانت ملی تھی۔ اسے 15 اگست 2023 کی شام فرید آباد سے گرفتارکیا گیا تھا۔ الزام تھا کہ بٹوبجرنگی نے نوح میں برج منڈل یاترا کے دوران سوشل میڈیا پرکئی اشتعال انگیزپوسٹ کئے تھے۔ بٹو بجرنگی کو یاترا کے دوران اشتعال انگیز تقریرکرنے کے الزام میں سی آئی اے توڈوپولیس نے فرید آباد میں واقع اس کی رہائش گاہ سے گرفتارکیا تھا، جس کے بعد اسے نوح ڈسٹرکٹ کورٹ میں پیش کیا گیا۔ 14 دن کی عدالتی حراست کے بعد اسے عدالت میں پیش کیا گیا، جس کے بعد اے ڈی جے عدالت نے بٹوبجرنگی کی ضمانت منظورکی۔
مختلف دفعات کے تحت درج کیا گیا تھا مقدمہ
قابل ذکرہے کہ بٹوبجرنگی کے خلاف مختلف دفعات کے تحت مقدمہ درج کیا گیا تھا اور بجرنگ دل کے بٹو بجرنگی کو سی آئی اے تواڈو نے نوح تشدد کیس میں گرفتارکیا تھا۔ بٹو بجرنگی کے خلاف نوح تھانہ صدرمیں مختلف دفعات کے تحت مقدمہ درج کیاگیا۔ اے ایس پی اوشا کنڈو کی شکایت پربٹوبجرنگی کے خلاف مقدمہ درج کیا گیا تھا۔ آپ کو بتا دیں کہ نوح تشدد کیس میں بٹوبجرنگی پردفعہ 148، 149، 332، 353، 186، 395، 397، 506، 25، 54، 59 لگائی گئی تھیں۔
بھارت ایکسپریس–
سردی کی لہر کی وجہ سے دہلی پر دھند کی ایک تہہ چھائی ہوئی ہے۔…
ڈلیوال کا معائنہ کرنے والے ایک ڈاکٹر نے صحافیوں کو بتایاکہ ان کے ہاتھ پاؤں…
سنبھل میں یو پی پی سی ایل کے سب ڈویژنل افسر سنتوش ترپاٹھی نے کہاکہ…
حادثے کے فوری بعد پولیس نے ڈمپر ڈرائیور کو گرفتار کر لیاہے۔ پولیس کے مطابق…
یہ انکاؤنٹر پیلی بھیت کے پورن پور تھانہ علاقے میں ہواہے۔پولیس کو اطلاع ملنے کے…
اللو ارجن کے والد نے کہا کہ فی الحال ہمارے لیے کسی بھی چیز پر…