بہار کانگریس میں زبردست ناراضگی، ایک گروپ نے بلائی میٹنگ، ریاستی صدرراجیش رام نے کہی یہ بڑی بات

کانگریس صدر ملیکا ارجن کھڑگے اور سابق صدر راہل گاندھی۔ (فائل فوٹو)

بہاراسمبلی الیکشن 2025 کے پہلے مرحلے کے لئے پرچہ نامزدگی داخل کرنے کا سلسلہ ختم ہوچکا ہے۔ پہلے مرحلے میں 121 سیٹوں پر 1200 سے زیادہ امیدوارمیدان میں ہیں۔ عظیم اتحاد میں آخری وقت تک سیٹوں کی تقسیم فائنل نہیں ہوپائی۔ اسی وجہ سے کانگریس اورآرجے ڈی امیدوارنے اپنے اپنے امیدوارمیدان میں اتاردیئے۔ یہی وجہ ہے کہ اب اس ٹکٹ تقسیم کی وجہ سے کانگریس میں ہی زبردست اختلاف دیکھنے کومل رہا ہے۔

بہارکانگریس میں سیٹوں کی تقسیم اورامیدواروں کے انتخاب سے متعلق زبردست نا اتفاقی ہے۔ پارٹی اعلیٰ کمان کے ذریعہ ذات پات پرمبنی ٹکٹوں کی تقسیم سے ایک گروپ ناراض ہے، جس کی قیادت میں پٹنہ میں میٹنگ اورپریس کانفرنس ہورہی ہے۔ کانگریس صدرراجیش رام کے خلاف بھی زبردست ناراضگی ہے، جس سے پارٹی میں کھل انتشاردیکھنے کومل رہا ہے۔

ٹکٹوں کی تقسیم سے ناراض ہیں کارکنان

بہارمیں کانگریس نے بھلے ہی کم سیٹوں پراپنے امیدواروں کے اعلان کئے ہوں، اس کے بعد بھی جم کرمخالفت دیکھنے کومل رہی ہے۔ کئی کارکنان سیٹوں کی تقسیم سے زبردست ناراض بتائے جا رہے ہیں۔ اسی سے متعلق کانگریس کے ایک گروپ نے پٹنہ میں میٹنگ بلائی ہے۔ یہ میٹنگ دوپہر میں بلائی گئی ہے۔ اس میٹنگ میں سابق رکن اسمبلی، ضلع صدور، سابق امیدوار اور کانگریس کے کئی لیڈران شامل ہوں گے۔ پارٹی اعلیٰ کمان کے ذریعہ اسمبلی الیکشن میں ٹکٹوں کی تقسیم کے فیصلے سے ایک گروپ ناراض ہے۔ پوری ناراضگی بہار کانگریس صدر جے رام رمیش کے خلاف ہے۔

کانگریس کے ریاستی صدر کا واضح پیغام

کانگریس کارکن ایک طرف جہاں اپنی ناراضگی دکھا رہے ہیں۔ وہیں دوسری طرف کانگریس صدرراجیش رام نے ٹوئٹ کرکے اپنے تیور دکھا دیئے ہیں۔ راجیش رام نے ایکس پرپوسٹ کرکے لکھا ہے کہ دلت دبے گا نہیں… جھکے گا نہیں، اب انقلاب ہوگا۔ ذرائع سے ملی جانکاری کے مطابق، ذات پات پرمبنی ٹکٹوں کی تقسیم سے کانگریس کا ایک گروپ بہت ناراض ہے۔ بہارکانگریس کے اندراختلافات کھل کرسامنے آگئے ہیں۔ ابھی 2 دن پہلے کانگریس صدر کے سامنے ہی پٹنہ ایئرپورٹ پرجم کرلات گھونسے چلے تھے۔ پٹنہ میں کانگریس کا ناراض گروپ ٹکٹوں کی تقسیم پراپنی ناراضگی ظاہرکرنے کے لئے آج پریس کانفرنس کرے گا۔

–بھارت ایکسپریس اردو