Red Fort Car Blast: لال قلعہ دھماکہ معاملے پر بھوجپوری اسٹار کھیساری لال یادو نے دکھ کا کیا اظہار، کہہ دی بڑی بات

ممبئی: قومی دارالحکومت دہلی میں پیر کی شام لال قلعہ میٹرو اسٹیشن کے قریب ہوئے دھماکے میں ہلال اور زخمی ہونے والے افراد کے لیے بھوجپوری اداکار کھیساری لال یادو نے گہرے دکھ کا اظہار کیا ہے۔ یہ واقعہ اتنا خوفناک تھا کہ آس پاس کے علاقے میں بھگدڑ مچ گئی، گاڑیوں کے پرخچے اُڑ گئے اور دھوئیں کا گہرا بادل چھا گیا۔ منگل کو کھیساری لال یادو نے سوشل میڈیا پلیٹ فارم انسٹاگرام کے ذریعے مرنے والوں اور زخمیوں کے لیے افسوس کا اظہار کیا۔

دہلی کے لال قلعہ میں ہوئے دھماکے میں اپنی جان گنوانے والے تمام لوگوں کو دل سے خراجِ عقیدت۔ جن خاندانوں نے اپنے پیاروں کو کھویا ہے، میں ان کے غم میں شریک ہوں۔ ایشور مرنے والوں کی روح کو سکون دے اور متاثرہ اہلِ خانہ کو اس بڑے صدمے کو برداشت کرنے کی طاقت دے۔

 

چھپرا سے راشٹریہ جنتا دل (آر جے ڈی) کے امیدوار کھیساری لال یادو نے لکھا، ’’جن خاندانوں نے اپنے پیاروں کو کھویا ہے، میں ان کے غم میں شریک ہوں۔ ایشور مرنے ولاے کی روح کو سکون دے اور متاثرہ خاندانوں کو اس عظیم دکھ کو برداشت کرنے کی طاقت دے۔‘‘

لال قلعہ میٹرو اسٹیشن کے قریب دھماکہ

یہ واقعہ پیر کی شام تقریباً 6 بج کر 55 منٹ پر دہلی کے لال قلعہ میٹرو اسٹیشن کے گیٹ نمبر 1 کے قریب پیش آیا۔ دھماکہ اتنا زوردار تھا کہ آس پاس کھڑی گاڑیاں تباہ ہو گئیں۔ اس حادثے میں کئی افراد ہلاک اور متعدد زخمی ہوئے۔

چھپرا سے انتخاب لڑ رہے ہیں کھیساری

اداکار کی بات کریں تو وہ راشٹریہ جنتا دل کے ٹکٹ پر چھپرا سیٹ سے انتخاب لڑ رہے ہیں۔ پہلے مرحلے کی ووٹنگ ہو چکی ہے اور کھیساری لال یادو بہار اسمبلی انتخابات میں کامیابی حاصل کرنے کے لیے بھرپور محنت کی ہے۔

جلد ریلیز ہونے والی ہے کھیساری کی فلم

اس کے ساتھ ساتھ اداکار اپنی فلمی سرگرمیوں پر بھی توجہ دے رہے ہیں۔ ان کی آنے والی فلم ’ضمانت‘ جلد ریلیز ہونے والی ہے، جس کا پہلا پروموشنل گانا ’جیو جیو رے کھیساری‘ ریلیز ہو چکا ہے۔ اس گانے میں کھیساری لال کا دبنگ انداز دکھایا گیا ہے۔ حالانکہ، فلم کی ریلیز کی تاریخ ابھی تک اعلان نہیں کی گئی۔

بھارت ایکسپریس۔