CMD Upendrra Rai In Kushinagar: بھارت ایکسپریس کے سی ایم ڈی اور چیف ایڈیٹر اپیندر رائے کا کشی نگر میں شاندار استقبال، ہاتھی نے پہنایا پھولوں کا ہار  

آزادی پسند بابو گیندا سنگھ کی برسی پر بھارت ایکسپریس کے سی ایم ڈی اور چیف ایڈیٹر اپیندر رائے کا کشی نگر میں شاندار استقبال کیا گیا۔ ایک ہاتھی نےانہیں  ہار پہنا یا، اس پروگرام میں کافی بڑی  تعداد میں لوگوں نے شرکت کی۔بھارت ایکسپریس کے سی ایم ڈی اوپیندر رائے عظیم آزادی پسند، سابق وزیراور سابق ایم پی بابو گیندا سنگھ کی برسی کی یاد میں منعقدہ تقریب میں بطور مہمان خصوصی شرکت کے لیے کشی نگر پہنچے۔ تقریب کے منتظمین نے انہیں پھولوں کے ہار پہنائے۔یہ تقریب مقامی سماجی تنظیموں اور علاقائی عوامی نمائندوں کے تعاون سے “دی

گولڈن ریزورٹ،” کسیا میں منعقد کی جا رہی ہے۔

بابو گیندا سنگھ کون ہے؟

بابو گیندسنگھ کو نہ صرف کشی نگر بلکہ پورے پوروانچل میں جدوجہد آزادی کا ایک صف اول کا  مجاہد آزادی ماناجاتا ہے۔ برسوں تک انہوں نے پارلیمنٹ اور ریاستی حکومت میں سماجی انصاف اور دیہی ترقی کے مسائل کی بھرپور حمایت کی۔ ان کی یاد کو زندہ رکھنے کے لیے ہر سال ان کی برسی پر ایک اجتماعی تقریب کا اہتمام کیا جاتا ہے، جس میں بڑی تعداد میں لوگ شرکت کرتے ہیں۔

اعزازی تقریب بھی منعقد

بابو گیندا سنگھ کی یاد میں منعقد ہونے والے اس پروگرام کی خاص بات یہ ہے کہ اس میں کشی نگر ضلع سے تعلق رکھنے والے آزادی پسندوں، سماجی کارکنوں اور مختلف شعبوں میں نمایاں خدمات انجام دینے والے افراد کے خاندانوں کو خصوصی طور پر اعزاز سے نوازا جائے گا۔
منتظمین کا کہنا ہے کہ یہ تقریب صرف خراج تحسین نہیں بلکہ نئی نسل کو آزادی پسندوں کی زندگی کی اقدار کو اپنانے کی ترغیب دینے کا ذریعہ بھی ہے۔

معاشرے کی ترقی میں اپنا حصہ ڈالنے کا موقع

منتظمین نے ضلع کے مکینوں سے اس تقریب میں کثیر تعداد میں شرکت کی اپیل کی ہے۔ ان کا کہنا ہے کہ یہ تقریب کمیونٹی کے ان لوگوں کو اعزاز دینے کا موقع ہے جو ملک اور معاشرے کی ترقی میں مسلسل کردار ادا کر رہے ہیں۔ کشی نگر میں منعقد ہونے والے اس خراج تحسین اجلاس کو خطے میں سماجی اتحاد اور تاریخی ورثے کو فروغ دینے کی ایک اہم کوشش مانا جاتا ہے۔

بھارت ایکسپریس اردو