Who is Benjamin Franklin?: کیجریوال کی ضمانت کی سماعت کے دوران بنجامین فرانکلین پر کیوں ہوئی بحث ،جانئے کون ہیں بنجامین فرانکلین ؟

دہلی کے وزیر اعلی اروند کیجریوال کی ضمانت کو فی الحال روک دیا گیا ہے۔ قابل ذکر بات یہ ہے کہ جب 20 جون کو راؤز ایونیو کورٹ نے کیجریوال کو ضمانت دی تو دنیا کی ایک بڑی شخصیت کی طرف سے کہی گئی ایک لائن کا حوالہ دیا گیا۔ دراصل ہم یہاں جس شخص کے بارے میں بات کر رہے ہیں وہ بنجامین  فرانکلین ہے۔ وہ امریکہ کے بانیوں میں سے ایک تھے اور انہوں نے برطانیہ سے امریکہ کی آزادی میں اہم رول ادا کیا تھا۔

راؤزایونیو کورٹ کی جانب سے کیجریوال کی ضمانت منظور کرتے وقت چیف جسٹس ڈی وائی چندرچوڑ کی  ایک تقریر کا ذکر کیا گیا، جس میں انہوں نے بنجامین  فرانکلین کے ذریعے کہی گئی باتوں کا حوالہ دیا تھا۔ دہلی شراب پالیسی کیس میں کیجریوال کو ضمانت دیتے ہوئے  عدالت نے عدالتی کارروائیوں کے ساتھ ساتھ زیر سماعت قیدیوں کے حقوق کو تیز کرنے کی ضرورت پر بھی زور دیا۔ فی الحال دہلی ہائی کورٹ نے کیجریوال کی ضمانت پر روک لگا دی ہے۔

زیر التوا مقدمات کو کم کرنے پر زور دیا جا رہا ہے

خصوصی سی بی آئی جج نیا ئے بندو نے سی بی آئی ڈے تقریب میں چیف جسٹس کے خطاب کا حوالہ دیا۔ چیف جسٹس نے اس وقت سی بی آئی اور انفورسمنٹ ڈائریکٹوریٹ (ای ڈی) کے معاملات کو سنبھالنے والے خصوصی ٹرائل کورٹ کے ججوں کے چیلنجنگ کام پر روشنی ڈالی۔ شراب پالیسی کیس کی سماعت کے دوران جج نے کہا کہ سپریم کورٹ اور چیف جسٹس چندرچوڑ اس طرح کے معاملات میں عدالتی عمل کو تیز کرنے کے لیے ٹرائل کورٹ کی حوصلہ افزائی کر رہے ہیں۔

عدالت نے کہا، ’’سرکاری افسران اور ہائی کورٹس زیر التواء مقدمات کو کم کرنا چاہتے ہیں اور کارروائی کو تیز کرنا چاہتے ہیں‘‘۔ جسٹس نیائے  بندو نے کہا کہ سپریم کورٹ اور ہائی کورٹ دونوں نچلی عدالتوں سے زیر سماعت قیدیوں کے آئینی حقوق پر غور کرنے کو کہہ رہے ہیں۔

بنجامین فرانکلین کے کس بیان کا ذکر کیا گیا؟

راؤز ایونیو کی عدالت نے امریکی سیاست دان نجامین فرانکلین کے الفاظ کا بھی حوالہ دیتے ہوئے کہا کہ ’’بہتر ہے کہ 100 مجرم آزاد ہوجائیں، اس سے بہتر ہے کہ ایک بے گناہ کو سزا نہ ملے‘‘۔ عدالت نے اس بات پر زور دیا کہ  بنجامین فرانکلین کے اس اصول کو نظر انداز نہیں کیا جا سکتا۔ عدالت کے مطابق اس اصول کی وجہ سے نہ صرف مجرموں کو سزا ملتی ہے ۔بلکہ یہ یقینی بناتا ہے کہ کسی بے گناہ کو سزا نہ ملے۔

  بنجامین فرانکلین کون ہے؟

  بنجامین فرانکلین امریکہ کے بانیوں میں سے ایک تھے۔ وہ نہ صرف ایک بہترین سیاستداں کے طور پر جانے جاتے ہیں بلکہ وہ ایک سائنسداں بھی تھے۔ انہوں  نے بجلی کی چھڑ، بائی فوکلز، فرانکلین اسٹو، کار کا اوڈی میٹر اور گلاس ‘آرمونیکا’ ایجاد کیا تھا۔ بنجامین فرانکلین نے امریکہ کو برطانیہ سے آزادی دلانے میں اہم کردار ادا کیا۔ وہ امریکہ میں افریقی لوگوں کو غلام بنانے کی پالیسی کے بھی خلاف تھے۔ ان کی تصویر امریکہ کے 100 ڈالر کے نوٹ پر چھپی  ہوئی ہے۔

بھارت ایکسپریس