Odisha Train Accident: بالاسور میں اب ملبہ ہٹانے میں مصروف ہوئے ایک ہزار مزدور، پٹریاں بچھانے کا کام بھی شروع، 90 ٹرینیں منسوخ کردی گئیں

Odisha Train Accident Update: بالاسور ٹرین حادثے میں 288 افراد کی موت اور ریسکیو آپریشن پورا ہونے کے بعد پٹریاں درست کرنے کا کام بڑے پیمانے پرجاری ہے۔ اب تک ہاؤڑہ-چنئی روٹ کی 90 ٹرینیں کر دی گئی ہیں۔ وہیں آج (4 جون) مرکزی وزیر صحت منسکھ مانڈویا اوڈیشہ جاکرزخمیوں سے ملاقات کریں گے۔

مرکزی وزیرریل اشونی ویشنونے ہفتہ کے روزبالاسورٹرین حادثہ والی جگہ پررات بھرچل رہے مرمت کے کاموں کا جائزہ لیا۔ اس دوران بالاسورمیں رات بھرایک ہزارسے زیادہ مزدورملبے کوہٹانے کا کام کرتے رہے۔ ملبہ ہٹانے کے کام میں مصروف ملازمین کو وزیرریل نے احکامات یئے۔ 7 پولکین مشین، 5 جے سی بی اور2 بڑی کرین سے بھی ملبہ ہٹانے کا کام جنگی پیمانے پرچلتا رہا ہے۔ ہفتہ کی رات ایک طرف ملبہ ہٹانے کا کام چل رہا تھا تو دوسری طرف پٹریاں بچھانے کا کام بھی شروع ہوچکا ہے۔ جلد از جلد ٹرین خدمات معمول پرلانے کی کوششیں کی جارہی ہیں۔

ایک ہزارسے زائد لوگوں کو اسپتال میں کرایا گیا داخل

اوڈیشہ کے بالاسور میں ہوئے ریل حادثے میں مہلوکین کی تعداد بڑھ کر 288 ہوگئی ہے۔ وہیں حادثے کے بعد اب تک کل 1175 افراد کو اسپتال میں داخل کرایا گیا، جن میں سے 793 افراد کو چھٹی دے دی گئی جبکہ 382 افراد کا علاج کیا جا رہا ہے۔ سرکاری جانکاری کے مطابق، دو افراد کی حالت تشویشناک ہے۔ وہیں دیگر کی حالت مستحکم بتائی گئی ہے۔ دونوں ایکسپریس ریل گاڑیوں میں ریزرو ٹکٹ والے 2,200  سے زیادہ مسافر سوار تھے۔

وزیراعظم نریندر مودی نے گزشتہ دن جائے حادثہ کا جائزہ لیا تھا۔ اس دوران انہوں نے متاثرین سے اسپتال میں ملاقات بھی کی تھی۔ وزیراعظم نے حادثہ پرافسوس کا اظہار کرتے ہوئے کہا تھا کہ یہ حادثہ بے حد سنگین ہے۔ قصورواروں کو اس معاملے میں بخشہ نہیں کیا جائے گا۔ وہیں، حکومت زخمیوں کی ممکن مدد کے لئے کھڑی ہے۔