قومی

GST Commissioner resigns: شنکرآچاریہ تنازع کے دوران ایودھیا کے جی ایس ٹی کمشنر کا استعفیٰ، وزیراعظم مودی اور وزیراعلیٰ یوگی کے خلاف الزامات پر بڑا قدم اٹھانے کا دعویٰ

ایودھیا: اترپردیش حکومت اور شنکرآچاریہ سوامی اویمکتیشورانند کے درمیان جاری تنازع کے دوران ایودھیا کے جی ایس ٹی کمشنر پرشانت کمار سنگھ نے منگل کے روز اپنے عہدے سے استعفیٰ دے دیا۔ انہوں نے کہا کہ وزیراعظم نریندر مودی اور وزیر اعلیٰ یوگی آدتیہ ناتھ کے خلاف لگائے گئے بے بنیاد الزامات سے وہ شدید طور پر دل آزردہ ہوئے ہیں۔

مودی اور یوگی کے حق میں استعفیٰ

پرشانت کمار سنگھ نے اے این آئی سے گفتگو میں کہا: ’’حکومت کے حق میں اور شنکرآچاریہ سوامی اویمکتیشورانند کی مخالفت میں میں نے استعفیٰ دیا ہے۔ گزشتہ دو دنوں سے ہمارے وزیراعلیٰ اور وزیر اعظم کے خلاف بے بنیاد الزامات سن کر مجھے شدید تکلیف پہنچی۔ حکومت جو مجھے تنخواہ دیتی ہے، اس کے تئیں میری اخلاقی ذمہ داری بنتی ہے۔ جب میں نے دیکھا کہ میرے سی ایم اور پی ایم کی توہین ہو رہی ہے تو میں نے گورنر کو اپنا استعفیٰ بھیج دیا۔‘‘

مونی اماوسیہ اور ماگھ میلہ کا تنازع

یہ معاملہ اس وقت سامنے آیا جب ماگھ میلہ کے دوران مونی اماوسیہ کے دن سوامی اویمکتیشورانند کو مبینہ طور پر پالکی کے ساتھ مقدس اسنان سے روک دیا گیا۔ اس واقعے کے بعد سوامی جی نے انتظامیہ کے خلاف احتجاج کرتے ہوئے اپنے کیمپ کے باہر دھرنا دینا شروع کر دیا۔ اس سے قبل بریلی کے سٹی مجسٹریٹ النکاراگنی ہوتری کو بھی حکومت اتر پردیش نے معطل کر دیا تھا، جنہوں نے یومِ جمہوریہ کے دن استعفیٰ دیتے ہوئے حکومتی پالیسیوں پر تنقید کی تھی۔ اگنی ہوتری نے الزام لگایا تھا: ’’اتر پردیش میں کافی عرصے سے برہمن مخالف مہم چل رہی ہے۔ برہمنوں کو نشانہ بنایا جا رہا ہے اور ان پر ظلم ہو رہا ہے۔‘‘ معطل افسر نے دعویٰ کیا کہ مگھ میلہ کے دوران شنکرآچاریہ سوامی اویمکتیشورانند اور ان کے شاگردوں کے ساتھ بدسلوکی کی گئی، بزرگ سنتوں کو لاتوں اور جوتوں سے مارا گیا، جو نہایت تشویشناک ہے۔

یو جی سی کے نئے ضوابط پر بھی ناراضگی

النکاراگنی ہوتری کے استعفیٰ کی ایک وجہ یونیورسٹی گرانٹس کمیشن (یو جی سی) کے جاری کردہ پروموشن آف ایکویٹی ان ہائر ایجوکیشن انسٹی ٹیوشنز ریگولیشنز 2026 پر عدم اطمینان بھی بتائی گئی۔

اوما بھارتی کا ردعمل

بی جے پی لیڈر اوما بھارتی نے کہا کہ سوامی اویمکتیشورانند سے ان کے شنکرآچاریہ ہونے کا ثبوت مانگنا شائستگی کے خلاف ہے۔ تاہم انہوں نے واضح کیا کہ ان کا بیان وزیر اعلیٰ یوگی آدتیہ ناتھ کے خلاف نہیں ہے۔ انہوں نے سوشل میڈیا پلیٹ فارم ایکس پر لکھا: ’’کسی کو شنکرآچاریہ ہونے کا ثبوت مانگنے کا حق صرف شنکرآچاریہ یا ودوانوں کی کونسل کو ہے۔ میری بات یوگی جی کے خلاف نہیں، میں ان کے لیے احترام اور خیرسگالی رکھتی ہوں۔‘‘ اوما بھارتی نے حکومت اتر پردیش اور سوامی اویمکتیشورانند جی مہاراج کے درمیان معاملے کے مثبت حل کی بھی اپیل کی۔

بھارت ایکسپریس اردو۔

Habiburrahman

Recent Posts

National Press Day: آزادیٔ اظہار کے ساتھ ذمہ داری بھی ضروری، صحافی تکنیکی تبدیلیوں کو اپنائیں: اشونی ویشنو

مرکزی وزیر اطلاعات و نشریات اشونی ویشنو نے جمہوریت کو مضبوط بنانے میں میڈیا کے…

3 hours ago

Adani Green Energy On Tarali Project: تارالی پمپ اسٹوریج پروجیکٹ پر اڈانی گرین انرجی نے واضح کی صورت حال، بتایا کب ملی کون سی منظوری

اڈانی گرین انرجی لمیٹڈ نے کہا ہے کہ تارالی پمپ اسٹوریج پروجیکٹ میں نہ تو…

3 hours ago

8th Pay Commission: کیا ریٹائرڈ ملازمین کو بھی ملے گا بقایا جات کا فائدہ؟ پنشنروں نے وزیر اعظم مودی کو خط لکھ کر کیا مطالبہ

آٹھویں پے کمیشن کے تحت یکم جنوری 2026 سے پہلے ریٹائر ہونے والے پنشنروں اور…

3 hours ago