Austrian Chancellor welcomes upcoming visit of PM Modi: آسٹریا کے چانسلر نے ہندوستانی وزیر اعظم کے آئندہ دورے کا کیاخیرمقدم، پی ایم مودی نے کہا شکریہ

وزیر اعظم نریندر مودی نے آسٹریا کے اپنے آئندہ سرکاری دورے کے لیے آسٹریا کے چانسلر کارل نیہمر کے ذریعہ کیے گئے اظہار خیال کے لیے شکریہ ادا کیا ہے۔ یہ 40 سالوں میں کسی ہندوستانی وزیر اعظم کا آسٹریا کا پہلا دورہ ہے۔ آسٹریا کے چانسلر نے کہا، ”یہ دورہ ایک خاص اعزاز ہے کیونکہ یہ چالیس سالوں میں کسی ہندوستانی وزیر اعظم کا پہلا دورہ ہے، اور یہ ایک اہم کامیابی ہے کیونکہ ہم ہندوستان کے ساتھ سفارتی تعلقات کے 75 سال کا جشن منا رہے ہیں۔

اپنے جواب میں پی ایم مودی نے کہا کہ وہ تعلقات کو مزید مضبوط کرنے اور تعاون کی نئی راہوں پر آگے بڑھنے کے لیے اس تاریخی موقع پر بات چیت کے منتظر ہیں۔پی ایم مودی نے ایکس پر چانسلر نیہمر کی پوسٹ کا جواب دیتے ہوئے لکھا

”آپ کا شکریہ، چانسلر کارل نیہمر، اس تاریخی موقع پر آسٹریا کا دورہ کرنا ایک اعزاز کی بات ہے، میں دونوں ممالک کے درمیان تعلقات کو مضبوط بنانے اور تعاون کی نئی راہیں تلاش کرنے کا منتظر ہوں۔ آزادی اور قانون کی حکمرانی وہ بنیاد ہے جس پر ہم مزید قریبی شراکت داری کی راہ ہموار کریں گے۔“

واضح رہے کہ روس کے دورے کے بعد مودی 9 اور 10 جولائی کو آسٹریا جائیں گے۔ 41 سالوں میں کسی ہندوستانی وزیر اعظم کا اس ملک کا یہ پہلا دورہ ہوگا۔آسٹریا کے دورے سے پہلے، وزیر اعظم نریندر مودی نے اتوار کو کہا کہ جمہوریت، آزادی اور قانون کی حکمرانی کی مشترکہ اقدار وہ بنیاد ہیں جن پر دونوں ممالک مزید قریبی شراکت داری قائم کریں گے۔

بھارت ایکسپریس۔