Asaduddin Owaisi On Holiday: پران پرتشٹھا کے دن سرکاری دفاتر کو بند رکھنے کے حکومتی فیصلے پر اسدالدین اویسی نے اٹھایا سوال

رواں ماہ کی 22جنوری کو مرکزی حکومت کے دفاتر میں آدھے دن کی تعطیل ہوگی،چونکہ اس دن پران پرتشٹھا کی تقریب ہے۔ سرکار کی طرف سے اس موقع پر آدھے دن کی چھٹی کے اعلان پر آل انڈیا مجلس اتحاد المسلمین (اے آئی ایم آئی ایم) کے سربراہ اسد الدین اویسی نے سوال اٹھایا ہے۔ انہوں نے جمعرات (18 جنوری 2024) کو طنزیہ انداز میں کہا کہ یہ سب کا وکاس ہے۔حیدرآباد کے ایم پی اویسی نے کہا، “بی جے پی کی حکومت والی ریاست نے عید میلاد النبی کی چھٹی منسوخ کردی۔ آئینی اتھارٹی نے نماز جمعہ کے لیے 30 منٹ کا وقفہ ختم کر دیا۔ یہ سب کا وکاس ہورہا ہے، لیکن کسی کے لیے اپیزمنٹ نہیں (اکثریت کے سوا) ۔

دراصل رام مندر کے افتتاح کی تیاریوں کے درمیان مرکز کی مودی حکومت نےآج  ایک بڑا اعلان کیا ہے۔ مرکزی وزیر مملکت جتیندر سنگھ نے کہا کہ رام للا کےپران پرتشٹھا کے دن 22 جنوری کو سرکاری دفاتر آدھے دن کے لیے بند رہیں گے۔ انہوں نے کہا کہ یہ فیصلہ زبردست عوامی جذبات کے پیش نظر کیا گیا ہے۔حکومت نے اپنے حکم میں کہا، “ایودھیا میں رام للا پران پرتشٹھا 22 جنوری 2024 کو پورے ہندوستان میں منایا جائے گا۔ملازمین کو تقریب  میں شرکت کرنے کے قابل بنانے کے لیے، یہ فیصلہ کیا گیا ہے کہ ہندوستان بھر میں مرکزی حکومت کے تمام دفاتر، مرکزی ادارے اور مرکزی صنعتی ادارے 22 جنوری 2024 کو دوپہر 2:30 بجے تک آدھے دن کے لیے بند رہیں گے۔

رام للا کے پران پرتشٹھا کی تقریب کے پیش نظر اتر پردیش، مدھیہ پردیش، گوا، ہریانہ اور چھتیس گڑھ میں عام تعطیل کا اعلان کیا گیا ہے۔رام مندر میں 22 جنوری کو ہونے والی پران پرتشٹھا تقریب کے لیے رسومات ادا کی جا رہی ہیں۔ اس سے قبل، بدھ (17 جنوری) کو کلش پوجا کا اہتمام کیا گیا تھا۔ رام للا کی مورتی جمعرات کو رام مندر کے احاطے میں نصب کی گئی ہے۔ مورتی کو اندر لانے سے پہلے، مقدس مقام میں ایک خصوصی پوجا کی گئی۔یہ رسومات 21 جنوری تک جاری رہیں گی۔ آپ کو بتاتے چلیں کہ رام للا کے تقدس کا پروگرام 22 جنوری کو دوپہر 12.20 بجے شروع ہوگا اور دوپہر 1 بجے ختم ہونے کی امید ہے۔ تقریب میں وزیر اعظم نریندر مودی اور یوپی کے وزیر اعلی یوگی آدتیہ ناتھ سمیت ہزاروں لوگ شرکت کریں گے۔

بھارت ایکسپریس۔