اے آئی ایم آئی ایم سربراہ اسدالدین اویسی۔ (فائل فوٹو)
علی گڑھ مسلم یونیورسٹی (اے ایم یو) میں فیس میں اضافے، طلبا کی معطلی ختم کرنے اور گرفتار طلبا کی رہائی سمیت مختلف مطالبات کو لے کر گزشتہ سات روز سے طلبا کا احتجاج جاری ہے۔ اس احتجاج میں اب آل انڈیا مجلس اتحاد المسلمین (اے آئی ایم آئی ایم) کے صدر اور رکن پارلیمنٹ اسد الدین اویسی نے بھی طلبا کی حمایت کرتے ہوئے یونیورسٹی انتظامیہ سے فیس میں اضافہ فوری طور پر واپس لینے کا مطالبہ کیا ہے۔
اسد الدین اویسی نے سوشل میڈیا پلیٹ فارم ’ایکس‘ پر ایک پوسٹ میں لکھا کہ ’’میں علی گڑھ مسلم یونیورسٹی کے طلبا کے ساتھ مکمل یکجہتی کا اظہار کرتا ہوں۔ یونیورسٹی کو فوراً فیس میں اضافہ واپس لینا چاہیے۔ اے ایم یو کے بیشتر طلبا پسماندہ علاقوں اور غریب خاندانوں سے تعلق رکھتے ہیں، ان کے لیے 35 تا 40 فیصد فیس میں اضافہ ناقابل برداشت ہے۔‘‘
علی گڑھ کے طلبا کیوں کر رہے ہیں احتجاج؟
واضح رہے کہ علی گڑھ میں طلبا کا احتجاج اس وقت شدت اختیار کر گیا جب ایک پرامن مظاہرے کے دوران یونیورسٹی کی پروکٹوریل ٹیم اور پولیس پر طالبات کو ہراساں کرنے کے الزامات سامنے آئے۔ طلبا نے واقعے پر شدید ردعمل ظاہر کرتے ہوئے پروکٹوریل ٹیم سے مستعفی ہونے کا مطالبہ کیا ہے۔ طالبات کا کہنا ہے کہ وہ اپنی عزت و سلامتی کے تحفظ کے لیے یونیورسٹی حکام، وزیراعظم، وزیراعلیٰ، گورنر اور دیگر اعلیٰ حکام کو علامتی طور پر راکھیاں بھیج رہی ہیں، تاکہ انھیں اپنی ذمہ داریوں کا احساس دلایا جا سکے۔
ایک طالب علم نے کہا کہ ’’ہم سات دنوں سے دھرنے پر بیٹھے ہیں اور تمام مطالبات پورے ہونے تک یہاں سے نہیں اٹھیں گے۔‘‘ احتجاج کے دوران طالبات نے بطور احتجاج پروکٹوریل ٹیم کو سیاہ دھاگے بھی دکھائے، جو ان کی ناراضگی کا اظہار تھا۔ ایک اور طالب علم نے کہا ’’جب تک پروکٹوریل ٹیم مستعفی نہیں ہوتی، ہمارا دھرنا جاری رہے گا۔ اس کے بعد ہی ہم دیگر مطالبات جیسے فیس میں اضافہ وغیرہ پر بات کریں گے۔‘‘
بھارت ایکسپریس اردو
این ویڈیا کے سابق سربراہ نے بورڈ کی آزادانہ تحقیقات میں تعاون کا یقین دلایا،…
وزیراعظم مودی نے اہم معدنیات اور کان کنی کے شعبے میں مضبوط سپلائی چین قائم…
کواڈ کا قیام 2007 میں عمل میں آیا تھا، جبکہ 2017 میں اس کے درمیان…
منیلا میں کواڈ اجلاس سے خطاب کرتے ہوئے وزیر اعظم نے اس شہر کے ساتھ…
سرمایہ کاروں کو ہر ہفتے 6 سے 11 فیصد منافع دینے کا لالچ دے کر…
چیف جسٹس سوریہ کانت کی سربراہی والی بنچ نے راہل گاندھی اور دیگر درخواست گزاروں…