Arvind Kejriwal: ہندوستان میں ایک طویل عرصے سے انتخابات کے دوران سیاسی جماعتوں کی جانب سے مفت اور پرکشش اسکیموں کے اعلان پر ہنگامہ برپا ہے یعنی ‘فری کی ریوڑی’۔ دہلی کے سابق وزیر اعلی اور عام آدمی پارٹی کے قومی کنوینر اروند کیجریوال کو اس معاملے میں کافی تنقید کا سامنا کرنا پڑا ہے۔ تاہم اب اروند کیجریوال نے دعویٰ کیا ہے کہ ‘فری کی ریوڑی’ اب امریکہ پہنچ گئی ہے۔ اپنے دعوے کے ساتھ اروند کیجریوال نے امریکی صدارتی انتخابات کے امیدوار ڈونلڈ ٹرمپ کی ایک ویڈیو بھی شیئر کی ہے۔
ٹرمپ کی ویڈیو میں کیا ہے؟
دراصل ریپبلکن پارٹی کے امیدوار ڈونلڈ ٹرمپ نے امریکہ میں اپنی انتخابی مہم کے دوران ایک بڑا اعلان کیا ہے۔ ڈونلڈ ٹرمپ نے کہا ہے کہ الیکشن جیتنے کے بعد وہ امریکہ میں بجلی کے بلوں کی شرح نصف کر دیں گے۔ ڈونلڈ ٹرمپ نے یہ اعلان کرتے ہوئے اپنی ویڈیو بھی شیئر کی ہے۔
کیجریوال نے کیا کہا؟
دہلی کے سابق وزیر اعلی اروند کیجریوال نے ڈونلڈ ٹرمپ کے ذریعہ بجلی کے بل کی شرح آدھی کرنے کا اعلان والی ویڈیو کو ایکس پر ویڈیو دوبارہ پوسٹ کرتے ہوئے طنز کیا ہے۔ اروند کیجریوال نے مزید لکھا ’’ٹرمپ نے اعلان کیا ہے کہ وہ بجلی کے نرخ آدھا کر دیں گے۔ فری کی ریوڑی امریکہ پہنچ گئی ہے۔” آپ کو بتاتے چلیں کہ دہلی میں سال 2025 کے آغاز میں اسمبلی انتخابات منعقد ہونے والے ہیں۔
یہ بھی پڑھیں- Delhi Traffic: دشہرہ کے دن بند رہیں گے دہلی-نوئیڈا کے یہ راستے، جانئے کیا ہے نیا روٹ ڈائیورژن
کب ہوں گے امریکہ میں الیکشن؟
امریکہ میں صدارتی انتخاب کے لیے ووٹنگ 5 نومبر کو ہوگی۔ نائب صدر کملا ہیرس ڈیموکریٹک پارٹی کی جانب سے صدر کے عہدے کے لیے امیدوار ہیں جب کہ سابق صدر ڈونلڈ ٹرمپ ریپبلکن پارٹی کی جانب سے میدان میں ہیں۔ ٹرمپ نے اعلان کیا ہے کہ وہ 12 ماہ کے اندر توانائی اور بجلی کی قیمتیں آدھی کر دیں گے۔ انہوں نے کہا ہے کہ وہ امریکہ کی بجلی کی صلاحیت کو تیزی سے دوگنا کر دیں گے۔ اس سے مہنگائی میں کمی آئے گی۔
-بھارت ایکسپریس
ایئر کوالٹی مینجمنٹ کمیشن نے سپریم کورٹ میں داخل ایک حلف نامہ میں کہا کہ…
جن میں ہندوستانی نژاد برطانوی شہری بھی شامل ہے جو مغربی دہلی سے 208 کلو…
منو بھاکر کا ویڈیو سوشل میڈیا پر تیزی سے وائرل ہو رہی ہے۔ منو بھاکر…
سراج نے عہدہ سنبھالنے کے بعد تلنگانہ کے چیف منسٹر ریونت ریڈی سے بھی اظہار…
سلنڈر خریدتے وقت کچھ باتوں کا خیال رکھیں۔ جیسے کہ اس کی مہر اور وزن…
وزیر اعظم مودی کا تحفہ، لداخ سے ایک کم اونچائی والی لکڑی کی میز، خطے…