قومی

India-Arab Foreign Ministers’ Meeting: ہند-عرب وزرائے خارجہ اجلاس میں شرکت کے لیے نئی دہلی پہنچے عرب لیگ کے سربراہ

نئی دہلی: لیگ آف عرب اسٹیٹس (ایل اے ایس) کے سیکریٹری جنرل احمد ابو الغیط جمعرات کے روز دوسری ہند-عرب وزرائے خارجہ میٹنگ میں شرکت کے لیے نئی دہلی پہنچے۔ وزارتِ خارجہ نے مصری لیڈر اور سفارتکار احمد ابو الغیط کا پرتپاک استقبال کیا۔

بھارت کی وزارتِ خارجہ کے ترجمان رندھیر جیسوال نے سوشل میڈیا پلیٹ فارم ’ایکس‘ پر ایک پوسٹ میں کہا، “لیگ آف عرب اسٹیٹس کے سیکریٹری جنرل احمد ابو الغیط کا خیرمقدم کرتے ہوئے خوشی محسوس ہو رہی ہے، جو دوسری ہند-عرب وزرائے خارجہ میٹنگ اور اس سے متعلقہ اجلاسوں میں شرکت کے لیے نئی دہلی آئے ہیں۔ آئندہ دو دنوں میں ہونے والے اعلیٰ سطحی اجلاس تمام شعبوں میں مضبوط ہند-عرب شراکت داری کے لیے مشترکہ عزم کی عکاسی کرتے ہیں۔”

اس سے قبل کوموروس کے وزیر خارجہ مبے محمد، فلسطین کی وزیر خارجہ وارسن اغابیکیان شاہین اور سوڈان کے محی الدین سلیم احمد ابراہیم بھی دوسری ہند-عرب وزرائے خارجہ میٹنگ میں شرکت کے لیے نئی دہلی پہنچ چکے ہیں۔

وزارتِ خارجہ نے کہا، “ہند-عرب وزرائے خارجہ میٹنگ اس شراکت داری کو آگے بڑھانے کا سب سے بڑا ادارہ جاتی نظام ہے، جسے مارچ 2002 میں باضابطہ شکل دی گئی، جب بھارت اور لیگ آف عرب اسٹیٹس (ایل اے ایس) کے درمیان مذاکراتی عمل کو ادارہ جاتی بنانے کے لیے ایک مفاہمتی یادداشت (ایم او یو) پر دستخط کیے گئے تھے۔”

بیان میں مزید کہا گیا، “دسمبر 2008 میں عرب لیگ کے اس وقت کے سیکریٹری جنرل عمرو موسیٰ کے بھارت دورہ کے دوران عرب-بھارت تعاون فورم کے قیام کے لیے ایک ایم او یو پر دستخط کیے گئے، اس کے بعد 2013 میں ایک باقاعدہ ساختی تنظیم کی شکل دی گئی۔ بھارت ایل اے ایس کے ساتھ قریبی رابطے میں ہے، جو 22 رکن ممالک پر مشتمل ایک ہمہ عرب تنظیم ہے۔”

بھارت ایکسپریس۔

Md Hammad

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

6 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

8 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

8 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

8 hours ago