Arab Influencer Amjad Taha describes Kashmir: عرب انفلوئنسر امجد طحہٰ نے کشمیر کو ”زمین پرجنت“ قرار دیا، ویڈیو وائرل

کشمیرکے دورہ پرآئے ایک عرب انفلوئنسرامجد طحہٰ نے ایک ایسا ویڈیو پوسٹ کیا، جوسوشل میڈیا پر جم کر وائرل ہوگیا۔ انہوں نے ویڈیو پوسٹ کرتے ہوئے مداحوں سے کہا کہ یہ سوئٹزرلینڈ یا آسٹریا نہیں بلکہ کشمیر ہے، جہاں جی-20 کا انعقاد ہوگا۔ امجد طحہٰ نے ویڈیو کشمیر میں جی-20 کے انعقاد سے قبل پوسٹ کیا تھا، لیکن یہ ابھی تک سوشل میڈیا پر خوب وائرل ہو رہا ہے۔ واضح رہے کہ 22-24 مئی کوسری نگرمیں منعقد ہوئے جی-20 اجلاس سے پہلے کشمیرکی خوبصورتی کو”زمین پرجنت“ قرار دیتے ہوئےعرب انفلوئنسرامجد طحہٰ نے کہا کہ اس جگہ نے زمین کی حفاظت کی ہے اورموسمیاتی تبدیلیوں کا بہترین جواب ہوسکتا ہے۔

کشمیر، ہمالیہ میں واقع ہے، اپنے شاندارنظاروں کے لئے جانا جاتا ہے، بشمول سری نگر کی مشہور ڈل جھیل ”زمین پرجنت“ کے طور پر جانا جاتا ہے، یہ وادی اپنے دلکش مناظر اور پرسکون ماحول کی وجہ سے ایک مشہور سیاحتی مقام رہی ہے، جس نے برسوں سے سیاحوں کو مسحورکر رکھا ہے۔

امجد طحہٰ  نے ٹوئٹ کرکے کہا ”یہ سوئٹزرلینڈ یا آسٹریا نہیں ہے۔ یہ بھارت ہے، اور یہ کشمیر ہے جہاں جی-20 منعقد ہوگا۔ اسے ”زمین پرجنت“ کہا گیا ہے، ایک ایسی جگہ جس نے زمین کی حفاظت کی ہے اور یہ موسمیاتی تبدیلیوں کا حل ہو سکتا ہے۔ کشمیر میں، ہم مسلمانوں، ہندوؤں، سکھوں اورعیسائیوں کو پُرامن طریقے سے رہتے ہوئے دیکھتے ہیں اورمستقبل کے لئے عالمی اختراعات اور ترقی میں اپنا حصہ ڈالتے ہوئے اپنی متنوع سرزمین سے لطف اندوز ہوتے ہیں۔“