مرکزی وزیر داخلہ امت شاہ۔
گوا آزادی تحریک کے ممتاز لیڈر اور ’کرناٹک کیسری‘ کے نام سے معروف جگن ناتھ راؤ جوشی کی برسی کے موقع پر مرکزی وزیر داخلہ امت شاہ، وزیر دفاع راج ناتھ سنگھ، مرکزی وزیر صحت جے پی نڈا اور بھارتیہ جنتا پارٹی کے کئی لیڈروں نے انہیں خراجِ عقیدت پیش کیا۔
امت شاہ نے کیا کہا؟
مرکزی وزیر داخلہ امت شاہ نے سوشل میڈیا پلیٹ فارم ایکس پر اپنے پیغام میں لکھا: ’’جگن ناتھ راؤ جوشی جی کو ان کی برسی پر خراجِ عقیدت پیش کرتا ہوں۔ گوا آزادی تحریک کے مضبوط ستون اور ’کرناٹک کیسری‘ جگن ناتھ راؤ جوشی ایک سچے محبِ وطن اور کرم یوگی تھے، جنہوں نے گوا میں پرمٹ راج کے خاتمے کے لیے غیر انسانی مظالم برداشت کیے۔‘‘ انہوں نے مزید کہا کہ بھارتیہ جنتا پارٹی کے نظریات اور تنظیم کو ملک گیر سطح پر مضبوط بنانے میں ان کی سیاسی بصیرت اور تنظیمی صلاحیت آئندہ نسلوں کے لیڈروں کے لیے ہمیشہ مشعلِ راہ رہے گی۔
Tributes to Jagannathrao Joshi Ji on his Punyatithi.
A pillar of the Goa Liberation Movement, Karnataka Kesari Jagannathrao Joshi Ji was a patriotic Karmayogi who endured inhuman atrocities to end the Permit Raj in Goa. His political wisdom in expanding the BJP’s ideals and… pic.twitter.com/5cWvJ9ilXH
— Amit Shah (@AmitShah) July 15, 2026
راج ناتھ سنگھ کا خراجِ عقیدت
وزیر دفاع راج ناتھ سنگھ نے بھی جگن ناتھ راؤ جوشی کو خراجِ عقیدت پیش کرتے ہوئے کہا کہ وہ ایک عظیم لیڈر، غیر معمولی تنظیم ساز اور قومی یکجہتی کے مضبوط علمبردار تھے۔انہوں نے کہا کہ جوشی کی حب الوطنی گوا آزادی تحریک میں ان کے نمایاں کردار سے واضح ہوتی ہے، جبکہ چھوا چھوت جیسی سماجی برائیوں کے خلاف ان کا بے باک مؤقف ایک منصفانہ اور ہم آہنگ معاشرے کے لیے ان کی وابستگی کا ثبوت تھا۔ راج ناتھ سنگھ کے مطابق سادگی، غیر معمولی ذہانت اور وطن سے محبت کے لیے پہچانے جانے والے جوشی نے اپنی پوری زندگی عوامی خدمت کے لیے وقف کر دی۔
جے پی نڈا نے خدمات کو یاد کیا
مرکزی وزیر صحت جے پی نڈا نے جگن ناتھ راؤ جوشی کو بھارتیہ جن سنگھ کے سینئر لیڈر، گوا آزادی تحریک کے سرکردہ قائد اور ‘کرناٹک کیسری’ قرار دیتے ہوئے کہا کہ گوا میں بھارتی شہریوں پر عائد پرمٹ نظام کے خاتمے میں ان کا کردار انتہائی اہم تھا۔ انہوں نے کہا کہ گوا کو بھارت کا اٹوٹ حصہ بنانے میں جوشی کی خدمات ہمیشہ یاد رکھی جائیں گی۔
بی جے پی قیادت کی جانب سے بھی خراجِ عقیدت
بی جے پی کے قومی صدر نتن نوین نے جگن ناتھ راؤ جوشی کو ایک مضبوط قوم پرست مفکر، مؤثر مقرر اور باصلاحیت تنظیم ساز قرار دیتے ہوئے کہا کہ انہوں نے بھارتیہ جن سنگھ کی توسیع اور قوم پرستانہ نظریات کو نئی سمت دی۔کرناٹک بی جے پی کے صدر وجیندر یدی یورپا نے بھی انہیں خراجِ عقیدت پیش کرتے ہوئے کہا کہ جگن ناتھ راؤ جوشی نے اپنی پوری زندگی قوم اور تنظیم کی خدمت کے لیے وقف کر دی۔ ان کے مطابق تنظیم، قوم پرستی اور عوامی خدمت کے لیے جوشی کی غیر متزلزل وابستگی آج بھی بی جے پی کے ہر کارکن کے لیے باعثِ تحریک ہے، جبکہ ان کے روشن کیے ہوئے قوم پرستی کے چراغ کی روشنی آج بھی لاکھوں کارکنوں کے دلوں میں زندہ ہے۔
بھارت ایکسپریس اردو۔
اعلیٰ سطحی ملاقات کا اہم ایجنڈا دونوں ممالک کے درمیان اقتصادی تعاون کو نئی بلندیوں…
دوسری جانب ون ڈے سیریز میں بھارت کو سخت ٹکر دینے کے بعد ویسٹ انڈیز…
روزی نے بتایا کہ اس وقت ان کے ساتھ دیگر خاتون صحافی بھی موجود تھیں۔…
نیوز ایجنسی پی ٹی آئی کی رپورٹ کے مطابق، عرضیوں میں چیف الیکشن کمشنر کی…
راجدھانی دہلی میں مہاکوی گوپال داس نیرج کی یاد میں ’کارواں گیتوں کا… نیرج‘ پروگرام…
دہلی کے ماولنکر ہال میں منعقد پینٹنگ نمائش ’ڈسکور دی پاور آف ایکسپریشن‘ میں بھارت…