قومی

Amit Shah arrives in Vijayawada: وزیرداخلہ امت شاہ وجے واڑہ پہنچے، مرکزی وزیررام موہن نائیڈو نے کیا استقبال

وجے واڑہ (آندھرا پردیش): مرکزی وزیر داخلہ امت شاہ پیر کے روز وجے واڑہ ہوائی اڈے پر پہنچے، جہاں مرکزی وزیر کنجارپو رام موہن نائیڈو اور دیگر رہنماؤں نے ان کا استقبال کیا۔ اس سے قبل دن میں امت شاہ نے مہاراشٹر کے پونے میں بھارتیہ جین سنگھٹنا اور شانتی لال موتھا فاؤنڈیشن کے صدر دفاتر کا دورہ کیا اور ملک کی تعمیر و ترقی کے لیے ان کی سرگرمیوں پر ایک پریزنٹیشن میں شرکت کی۔ امت شاہ نے سوشل میڈیا پلیٹ فارم ایکس پر ایک پوسٹ میں کہا کہ 1985 میں قائم ہونے والی بھارتیہ جین سنگھٹنا نے لاتور زلزلے سے لے کر اب تک ملک میں آنے والی متعدد آفات کے دوران راحت رسانی، بازآبادکاری اور اسکولوں کی دوبارہ تعمیر کے شعبوں میں نمایاں خدمات انجام دی ہیں۔  انہوں نے لکھا، ’’آج میں نے مہاراشٹر کے پونے میں بھارتیہ جین سنگھٹنا اور شانتی لال موتھا فاؤنڈیشن کے صدر دفاتر کا دورہ کیا اور ملک کی تعمیر و ترقی کے لیے ان کے کام پر ایک پریزنٹیشن میں شرکت کی۔ 1985 میں قائم ہونے والی بھارتیہ جین سنگھٹنا نے لاتور زلزلے سے لے کر اب تک ملک میں آنے والی متعدد آفات کے دوران راحت رسانی، بازآبادکاری اور اسکولوں کی دوبارہ تعمیر کے میدان میں قابل ذکر کام کیا ہے۔‘‘

مولیہ وردھن پروگرام کے ذریعے طلبہ کی کردار سازی

امت شاہ نے شانتی لال موتھا فاؤنڈیشن کی خدمات کا بھی ذکر کیا۔ انہوں نے کہا کہ فاؤنڈیشن اپنے ’’مولیہ وردھن‘‘ پروگرام کے ذریعے ہندوستانی اقدار پر مبنی تعلیم فراہم کرکے لاکھوں طلبہ کی کردار سازی میں تعاون کر رہی ہے۔ انہوں نے مزید کہا، ’’شانتی لال موتھا فاؤنڈیشن اپنے ’مولیہ وردھن‘ پروگرام کے ذریعے لاکھوں طلبہ کو ہندوستانی اقدار پر مبنی تعلیم فراہم کر رہی ہے اور ان کی کردار سازی میں اپنا تعاون دے رہی ہے۔‘‘

اجیت پوار کی موت مہاراشٹر کے لیے ناقابل تلافی نقصان

امت شاہ نے مہاراشٹر کے سابق نائب وزیراعلیٰ اجیت پوار کے مجسمے کی نقاب کشائی کے موقع پر انہیں خراج عقیدت بھی پیش کیا۔ اس تقریب میں وزیر اعلیٰ دیویندر فڑنویس بھی موجود تھے۔ امیت شاہ نے اجیت پوار کی غیر متوقع موت کو مہاراشٹر، بالخصوص پونے، بارامتی، پمپری اور چنچواڑ کے لیے ناقابل تلافی نقصان قرار دیا۔ مہاراشٹر کے نائب وزیر اعلیٰ رہ چکے اجیت پوار رواں سال 28 جنوری کو اس وقت ایک طیارہ حادثے میں ہلاک ہو گئے تھے، جب پونے ضلع کے بارامتی ہوائی اڈے پر لینڈنگ کی کوشش کے دوران ان کا طیارہ حادثے کا شکار ہو گیا تھا۔ تقریب سے خطاب کرتے ہوئے مرکزی وزیر داخلہ نے کہا کہ اجیت پوار کی اچانک موت نے مہاراشٹر کے سیاسی اور ترقیاتی منظرنامے کے ساتھ ساتھ انہیں ذاتی طور پر جاننے والوں کی زندگیوں میں بھی ایک ایسا خلا پیدا کر دیا ہے جسے پُر کرنا ممکن نہیں۔ انہوں نے کہا، ’’دادا کی اچانک اور غیر متوقع موت نہ صرف مہاراشٹر بلکہ خاص طور پر پونے، بارامتی، پمپری اور چنچواڑ کے علاقوں کے لیے ناقابل تلافی نقصان ہے۔ مجھے نہیں لگتا کہ دادا کے اچانک چلے جانے سے پیدا ہونے والے گہرے خلا کو کبھی پُر کیا جا سکے گا۔ کئی دہائیوں تک اجتماعی کوششیں کرنے کے باوجود ایسا لگتا ہے کہ جو نقصان ہوا ہے، اس کی تلافی ممکن نہیں۔ یہ پورے خطے اور درحقیقت مہاراشٹر کے لیے ایک بہت بڑا اور ناقابل تلافی نقصان ہے۔‘‘

بھارت ایکسپریس اردو۔

Habiburrahman

Recent Posts

PM Modi Visits Manila: ’جو ملک ہندوستان کے ساتھ شراکت داری کرے گا، وہ ترقی کرے گا‘، منیلا میں ہندوستانی برادری نے کی وزیر اعظم مودی کی تعریف

فلپائن میں مقیم ہندوستانی برادری نے وزیر اعظم نریندر مودی کے منیلا دورے پر خوشی…

11 minutes ago

PM Modi meets Indian diaspora in Manila: وزیراعظم مودی نے منیلا میں ہندوستانی برادری سے کی ملاقات، ’’سیتا: دی رامائن ری وزیٹڈ‘‘ کی پیشکش کو سراہا

فلپائن ’’نیویگیٹنگ دی فیوچر‘‘ کے موضوع کے تحت 49ویں آسیان سربراہی اجلاس اور اس سے…

25 minutes ago

Yusuf Pathan: پہلی بار ٹی 20 ورلڈ کپ جیتنے والی ہندوستانی ٹیم کا رہے حصہ یوسف پٹھان، جارحانہ بلے بازی نے دلائی خاص پہچان

بین الاقوامی کرکٹ میں اپنی دھواں دھار بلے بازی سے بنائی شناخت، لیکن کارکردگی میں…

1 hour ago