Bar Association opposes Justice Verma’s transfer to Allahabad: جسٹس یشونت ورما کے الہ آباد ہائی کورٹ ٹرانسفر پر بارایسوسی ایشن نے کیوں اٹھایا سوال، جانئے پورا معاملہ

نئی دہلی: جسٹس یشونت ورما کا تبادلہ دہلی ہائی کورٹ سے الہ آباد ہائی کورٹ کئے جانے سے متعلق الہ آباد ہائی کورٹ بارایسوسی ایشن نے سخت ناراضگی ظاہرکی ہے۔ ایسوسی ایشن نے ملک کے چیف جسٹس سنجیو کھنہ کو خط لکھ کرکہا ہے کہ ہم کوئی کوڑے کا ڈبہ ہیں؟ ہمیں بدعنوانی کسی بھی صورت میں  برداشت نہیں ہے۔ دہلی ہائی کورٹ کے چیف جسٹس یشونت ورما کی رہائش گاہ سے تقریباً 15 کروڑ روپئے نقد برآمد ہونے کی افواہ پھیل گئی تھی، جس کی بعد میں سپریم کورٹ نے بھی تردید کی ہے۔

آپ کو بتادیں کہ سپریم کورٹ کی کالیجیم نے ان کا تبادلہ الہ آباد ہائی کورٹ کردیا ہے۔ میڈیا میں دعویٰ کیا گیا کہ چیف جسٹس سنجیو کھنہ کی قیادت والی پانچ رکنی کالیجیم نے حادثہ کی اطلاع ملنے کے فوراً بعد ایک میٹنگ کی اورجسٹس یشونت ورما کو دہلی ہائی کورٹ سے الہ آباد ہائی کورٹ بھیجنے کا فیصلہ کیا۔ کہا جا رہا ہے کہ تبادلے کا عمل بھی شروع ہوگیا ہے۔ مگرالہ آباد بارایسوسی ایشن نے جسٹس یشونت ورما کے پہنچنے سے پہلے ہی اعتراض ظاہرکیا ہے۔

دہلی ہائی کورٹ کے وکیل نے کیا کہا؟

اس درمیان یہ بھی جانکاری آئی کہ دہلی ہائی کورٹ کے دوسرے سب سے سینئرجج کے عہدے پر تعینات جسٹس یشونت ورما نے آج عدالت میں سماعت نہیں کی۔ وہ آج غیرحاضررہے۔ یہ جانکاری ان کے کورٹ ماسٹرنے وکیلوں کو دی۔ دہلی ہائی کورٹ کے ایک وکیل نے اس حادثہ کا ذکرآج ہائی کورٹ میں کرتے ہوئے حیرانی کا بھی اظہارکیا۔ وکیل نے کہا کہ وہ اورکئی دوسرے وکیل اس حادثہ سے کافی حیران ہیں۔ کچھ وکلاء نے مستقبل میں ایسے حادثات کوروکنے کے لئے اقدامات کئے جانے سے متعلق گزارش بھی کی۔

کیا جسٹس ورما کا استعفیٰ ہوگا؟