Fire in Select City Mall Cinema Hall: سلیکٹ سٹی مال کے سنیما ہال میں فلم چھاوا کی نمائش کے دوران آگ لگ گئی، لوگ خوفزدہ

Fire in Select City Mall Cinema Hall: دہلی کے ساکیت میں واقع مشہور سلیکٹ سٹی مال کے سنیما ہال میں آگ لگ گئی۔ بدھ (26 فروری) کو پیش آنے والے اس واقعہ کی اطلاع ملنے کے بعد فائر بریگیڈ کی چھ گاڑیاں موقع پر پہنچ گئیں۔ آگ پر قابو پالیا گیا۔ دہلی فائر سروس نے یہ اطلاع دی۔

دارالحکومت دہلی کے سلیکٹ سٹی مال میں اس وقت ہنگامہ مچ گیا جب بدھ کی شام 5:44 بجے اس مال کے ایک سنیما ہال میں آگ لگ گئی۔ اس واقعہ کے بارے میں مال انتظامیہ نے دہلی پولیس اور فائر ڈیپارٹمنٹ کو اطلاع دی۔ اس کے بعد 6 فائر ٹینڈر موقع پر بھیجے گئے۔ فائر بریگیڈ کی ٹیم نے بروقت کام کرتے ہوئے آگ پر قابو پالیا۔

آتشزدگی کے واقعے میں نہیں ہوا کوئی جانی نقصان

معلومات کے مطابق سلیکٹ سٹی مال میں واقع PVR Audi-3 سنیما کی سکرین میں آگ بھڑک اٹھی۔ راحت کی بات ہے کہ اس واقعہ میں کوئی جانی نقصان نہیں ہوا ہے اور سبھی محفوظ ہیں۔ آگ لگنے کی وجہ تاحال معلوم نہیں ہوسکی ہے تاہم واقعے کے وقت مال میں زیادہ بھیڑ نہیں تھی جس کی وجہ سے بڑا حادثہ ٹل گیا۔

وکی کوشل کی فلم ’چھاوا‘ کی ہو رہی تھی نمائش

بتایا جا رہا ہے کہ جس وقت یہ حادثہ ہوا، اس وقت پی وی آر اسکرین نمبر 3 پر اداکار وکی کوشل کی فلم ’چھاوا‘ کی اسکریننگ چل رہی تھی۔ اس دوران اچانک پردے میں آگ لگ گئی۔ سنیما ہال میں فلم دیکھنے والوں میں بھگدڑ مچ گئی۔ تاہم سینما ہال میں بہت سے ایگزٹ گیٹ ہونے کی وجہ سے ہر کوئی بڑی آسانی سے سینما ہال سے باہر نکل گیا۔

یہ بھی پڑھیں- Bihar Cabinet Expansion: بہار میں کابینہ کی توسیع پر سی ایم نتیش کمار کا پہلا ردعمل، کہا-’اب سات وزیر ہیں، سب کو مبارکباد‘

سلیکٹ سٹی مال میں بحال ہوئے معمولات

آگ بجھانے کے بعد فائر بریگیڈ کی جانب سے صورتحال کا جائزہ لیا گیا اور حکام کو مال میں کیے جانے والے حفاظتی اقدامات سے آگاہ کیا گیا۔ فی الحال مال میں معمول کی صورتحال بحال کردی گئی ہے۔ دہلی فائر سروس کے ڈائریکٹر اتل گرگ نے جانکاری دیتے ہوئے کہا کہ اس پورے واقعہ میں کسی جانی نقصان کی کوئی اطلاع نہیں ہے۔ آگ بہت چھوٹی تھی اور فائر فائٹرز نے تھوڑی ہی دیر میں اس پر قابو پالیا۔

-بھارت ایکسپریس