Assembly Elections 2026: مغربی بنگال میں دوپہر 3 بجے تک 78.77 فیصد جبکہ تمل ناڈو میں تقریباً 70 فیصد ووٹنگ ہوئی، بنگال کے مرشد آباد میں جم کر ہنگامہ

الیکشن کمیشن آف انڈیا (ای سی آئی) کے جاری کردہ اعداد و شمار کے مطابق، مغربی بنگال اسمبلی انتخابات میں جمعرات کی دوپہر 3 بجے تک ووٹر ٹرن آؤٹ 78.77 فیصد رہا، جبکہ تمل ناڈو میں 70 فیصد ریکارڈ کیا گیا۔ اس سے پہلے، جمعرات کی صبح 11 بجے تک ریکارڈ کی گئی ووٹنگ فیصد کو دیکھتے ہوئے، یہ اعداد و شمار مغربی بنگال میں 41.11 فیصد اور تمل ناڈو میں 37.56 فیصد تھے۔

مغربی بنگال کے 16 اضلاع کی 152 اسمبلی سیٹوں کے لیے جمعرات کی صبح 7 بجے سے ووٹنگ جاری ہے۔ یہ ان اہم اسمبلی انتخابات کا پہلا مرحلہ ہے، جو دو مرحلوں میں کرائے جا رہے ہیں۔ ان انتخابات کے دوران ووٹرز میں زبردست جوش و خروش دیکھا گیا، کئی پولنگ اسٹیشنوں کے باہر لمبی قطاریں دیکھی گئیں۔

بھارت کی ریاست مغربی بنگال اور تمل ناڈو میں اسمبلی انتخابات کے پہلے مرحلے کی ووٹنگ جاری ہے۔ صبح سویرے ہی پولنگ اسٹیشنز کے باہر ووٹروں کی لمبی قطاریں دیکھنے کو مل رہی ہیں، جہاں عوام جوش و خروش کے ساتھ اپنے حقِ رائے دہی کا استعمال کر رہے ہیں۔ مغربی بنگال میں 16 اضلاع کی 152 اسمبلی نشستوں پر ووٹنگ ہو رہی ہے۔ یہ نشستیں سیاسی لحاظ سے انتہائی اہم معنی جا رہی ہیں اور ریاست بھر میں انتخابی ماحول اپنے عروج پر ہے۔ مختلف سیاسی جماعتیں ان نشستوں پر کامیابی حاصل کرنے کے لیے بھرپور کوششیں کر رہی ہیں۔

دوسری جانب تمل ناڈو میں آج ایک ہی دن میں ریاست کی تمام 234 اسمبلی نشستوں پر ووٹنگ ہو رہی ہے۔ اس بڑے پیمانے پر ہونے والی پولنگ کی وجہ سے ریاست بھر میں انتخابی سرگرمیاں عروج پر ہیں اور ووٹروں میں خاصا جوش پایا جا رہا ہے۔

الیکشن کمیشن نے دونوں ریاستوں میں سخت سکیورٹی انتظامات کیے ہیں، تاکہ ووٹنگ کا عمل پرامن طریقے سے مکمل ہو سکے۔ مرکزی فورسز اور مقامی پولیس کی بھاری نفری پولنگ اسٹیشنز پر تعینات کی گئی ہے، جب کہ حساس علاقوں میں اضافی نگرانی بھی کی جا رہی ہے۔ابتدائی اطلاعات کے مطابق صبح کے
اوقات میں ووٹنگ کا عمل پرامن انداز میں جاری ہے اور کسی بڑے ناخوشگوار واقعے کی خبر نہیں ملی۔ الیکشن کمیشن نے عوام سے اپیل کی ہے کہ وہ جمہوریت کو مضبوط بنانے کے لیے زیادہ سے زیادہ تعداد میں ووٹ ڈالیں۔