Income Tax Department Raid in Nashik: ناسک میں 30 گھنٹے چلی چھاپے مارکارروائی، 26 کروڑ روپے نقد اور 90 کروڑ روپے کی بے حساب جائیداد کے دستاویزات ضبط

مہاراشٹر کے ناسک میں محکمہ انکم ٹیکس نے صرافہ تاجروں کی دکانوں اور ڈیولپرز کے دفاتر پر چھاپے ماری۔ 30 گھنٹے تک جاری رہنے والے چھاپے میں، ٹیم نے 26 کروڑ روپے کی نقدی اور 90 کروڑ روپے کی بے حساب جائیداد کے دستاویزات ضبط کیے۔

ذرائع کے مطابق ناسک، ناگپور، جلگاؤں کی ٹیم نے یہ کارروائی کی 50 سے 55 افسران نے سورانا جیولرز کےکیمپس کے ساتھ ساتھ ان کے رئیل اسٹیٹ بزنس کے دفتر پر چھاپہ مارا۔ ایک ٹیم نے ان کے پرعالی شان بنگلے کا بھی معائنہ کیا۔

شہر کے مختلف مقامات پر ان کے دفتر، پرسنل لاکر اور بینک لاکرز کو بھی چیک کیا گیا۔ منماڈ اور نندگاؤں میں ان کے خاندان کے افراد کے گھروں کی بھی تلاشی لی گئی۔ ناسک کے اس صرافہ تاجر سے کروڑوں روپے کی نقدی اور بے حساب جائیداد کی برآمدگی کے بعد تاجروں میں ہلچل مچ گئی ہے۔

میڈیا رپورٹس کے مطابق محکمہ انکم ٹیکس کی کارروائی میں ملنے والی نقدی کو گننے میں 14 گھنٹے لگے۔ بتایا جا رہا ہے کہ یہ چھاپہ غیر اعلانیہ آمدنی اور ممکنہ طور پر مشکوک مالیاتی سرگرمیوں کی وسیع تر تحقیقات کا حصہ ہے۔ انکم ٹیکس ڈپارٹمنٹ سورانا جیولرز اور مہالکشمی بلڈرز دونوں کے ریکارڈ کی جانچ کر رہا ہے تاکہ کسی بھی تضاد یا چھپے ہوئے لین دین کو بے نقاب کیا جا سکے۔

بھارت ایکسپریس