New York Mayor Zohran Mamdani: زہران ممدانی کی جیت کے بعد ’دھوم‘ فلم کے گانے نے مچایا دھمال، نیویارک کے میئر نے اسٹیج پر اپنی اہلیہ کو لگایا گلے

زہران ممدانی کا ہندوستانی تعلق موزوں اندازمیں اس وقت ظاہرہوا، جب انہوں نے اپنی تقریرمیں ہندوستان کے پہلے وزیراعظم پنڈت جواہر لال نہروکوپکارا۔ زہران ممدانی نے کہا، “جیسا کہ میں آپ کے سامنے کھڑا ہوں، مجھے پنڈت نہروکا ایک اقتباس یاد آرہا ہے، جوہندوستان کو برطانوی سلطنت سے آزادی حاصل کرنے کے فوراً بعد دیا گیا تھا۔”

زہران ممدانی نے کہا، “تاریخ میں شاذ ونادر ہی کوئی لمحہ ایسا آتا ہے، جب ہم پرانے سے نئے کی طرف جاتے ہیں، جب ایک دورختم ہوتا ہے۔ جب ایک طویل عرصے سے دبی ہوئی قوم کی روح کواظہارملتا ہے۔” ممدانی نے مزید کہا، “آج نیویارک نے بالکل ایسا ہی کیا ہے۔ آپ کے فیصلے نئے دور، وضاحت، ہمت اوروژن کا تقاضا کرتے ہیں، بہانے نہیں۔”

نہروکو آئیکن مانتے ہیں زہران ممدانی

زہران ممدانی نے پہلے نہروکے بارے میں کہا تھا کہ وہ انہیں ہندوستانی طرزکا آئیکن سمجھتے ہیں۔ وہ اس سے قبل بھی کئی مواقع پرپنڈت نہرو کی تعریف کرچکے ہیں۔ واضح رہے کہ زہران ممدانی ہندوستانی نژاد ہیں۔ وہ نیویارک کے پہلے ہندوستانی نژاد امریکی اورمسلمان میئر بنے ہیں۔ انہوں نے اپنی جیت کے ساتھ امریکی صدرڈونلڈ ٹرمپ کوبھی بڑا جھٹکا دیا ہے۔ دراصل، ڈونلڈ ٹرمپ نے پورے الیکشن میں زہران ممدانی کی زبردست مخالفت کی تھی اوران کے خلاف متنازعہ بیانات دیئے تھے۔